Biełarusaŭ u Maskvie vyzvalili ad abaviazkovaj rehistracyi, pad jakuju trapiać inšyja inšaziemcy
U Maskvie i Padmaskoŭi z 1 vieraśnia 2025 hoda pa 1 vieraśnia 2029 hoda praviaduć ekśpierymient, u ramkach jakoha inšaziemcy, jakija pryjazdžajuć na pracu bieź vizy, buduć abaviazanyja rehistravacca praź śpiecyjalny dadatak.
Meta ekśpierymientu — palepšyć kantrol za mihracyjaj i źmienšyć kolkaść pravaparušeńniaŭ. Kali vyniki buduć stanoŭčymi, takuju praktyku mohuć pašyryć i na inšyja rehijony Rasii.
Akramia rehistracyi praz dadatak, dla inšaziemcaŭ bieź vizy ŭviaduć abaviazkovuju rehistracyju pa miescy znachodžańnia, źniaćcie adbitkaŭ palcaŭ, bijamietryčnaje fatahrafavańnie i sačeńnie za hieałakacyjaj telefonaŭ.
Adnak hetyja praviły nie buduć raspaŭsiudžvacca na hramadzian Biełarusi i dypłamataŭ. Pra heta zajavili padčas pryniaćcia zakona, jaki ŭžo padpisaŭ prezident Rasii Uładzimir Pucin, piša BiełTA.
Čytajcie taksama:
Što budzie ź Biełaruśsiu, kali ES uviadzie poŭnaje handlovaje embarha suprać Rasii