Pucina na naradzie ździvili tym, što ŭ Biełarusi skončyłasia bulba

Prezident Rasii Uładzimir Pucin padčas sustrečy z pradstaŭnikami svajoj biznes-supolnaści zhadaŭ pra zakupki bulby ŭ Biełarusi i vielmi ździviŭsia, kali jamu padkazali, što jana sioleta skončyłasia nie tolki ŭ Rasii.

Uładzimir Pucin. Skrynšot ź videa

Pucin razvažaŭ, što lepš zaŭsiody kuplać svaju pradukcyju, navat kali jana krychu daražejšaja, i ŭ jakaści prykładu ŭspłyło bulbianoje pytańnie:

— Viadoma, možna i ŭ Biełarusi bulbu zakuplać. Jany tam vialikija śpiecyjalisty pa bulbie, ale svaju taksama niadrenna mieć, — skazaŭ Pucin.

— Jana tam skončyłasia, — skazaŭ na heta namieśnik kiraŭnika pucinskaj administracyi Maksim Areškin.

— Jak skončyłasia? — ździviŭsia Pucin.

— Alaksandr Ryhoravič narady pravodzić.

— Maksim kaža, bulba ŭ Biełarusi skončyłasia. Niešta takoje… — zaśmiajaŭsia Pucin.

Na rezanans u siecivie adreahavała navat pres-słužba Łukašenki, taksama raźmiaściŭšy rolik z Pucinym i padpisaŭšy jaho: «Kali što, my ŭžo novuju pasadzili».

Raniej paviedamlałasia, što ŭ Rasii ŭžo źjeli ŭsiu svaju harodninu i pradajuć u svaich kramach tolki impartnuju.

Kamientary da artykuła