U rasijskim Minsielhasie zajavili, što minułahodni ŭradžaj harodniny, vyraščanaj u Rasii, praktyčna całkam źjedzieny, i ciapier kraina vymušana abapiracca na impart z «družalubnych dziaržaŭ». Pavodle acenak viedamstva, heta stała pryčynaj rezkaha rostu cen na asnoŭnyja pradukty, piša The Moscow Times.
Asabliva padaraželi ŭ Rasii kampanienty tak zvanaha «barščavoha naboru». Za hod bulba ŭ roźnicy padskočyła ŭ canie na 166,5%, cybula — na 87,2%, kapusta — na 56,8%. Buraki padaraželi na 11,9%, pamidory — na 1,2%, paviedamlaje Rasstat.
Rost cen u Minsielhasie tłumačać vysokim popytam i słabaj uradžajnaściu ŭ 2024 hodzie, na jakuju paŭpłyvali zamarazki i zasucha. U minułym hodzie rasijskija sielhasvytvorcy sabrali 7,3 młn ton bulby — na 1,2 miljona mienš za patreby krainy, što aceńvajucca ŭ 8 miljonaŭ ton.
U kramach asnoŭnych handlovych sietak paćviardžajuć: rasijskaj harodniny praktyčna nie zastałosia, na palicach — bulba ź Jehipta, a taksama pradukcyja z Pakistana i Kitaja.
Navat u kramie bujnoha saŭhasa, jaki hanarycca svaim uradžajem harodniny, niama bulby, morkvy, cybuli
Buraki pa 10 rubloŭ i proćma tannych kłubnic. Aktualnyja ceny na minskaj Kamaroŭcy
Ź biełaruskich kramaŭ źnikła cybula. A što zdaryłasia?
Doraha i z hnilcoj: što robicca z bulbaj u kramach paśla pravierak
Kamientary