Navukoŭcy Akademii navuk nazvali spraviadlivuju canu na biełaruskuju bulbu
Kolki nasamreč kaštuje vyraścić i zachavać biełaruskuju bulbu, vyśvietlili biełaruskija navukoŭcy.
Hiendyrektar NPC NAN pa bulbavodstvie i pładaaharodnictvie Vadzim Machańko ŭ efiry STV pradstaviŭ detalovy raźlik sabiekoštu vytvorčaści. Ličby akazalisia niečakanymi, zaŭvažyła tochka.by.
«Čamu my havorym pra niedachop bulby? Abjektyŭnaja pryčyna jość. Spačatku zaliło viasnoj-letam 2024-ha, potym była zasucha. A da čaho heta pryviało? Kłubniaŭ zaviazałasia šmat, a bulba nie rasła. Deficyt bujnoj frakcyi — toj, jakaja idzie na prodaž, u supiermarkiety», — raskazaŭ jon.
Kiraŭnik centra adznačyŭ, što sabiekošt bujnoj i drobnaj bulby adnolkavy. U minułym hodzie ŭ zvyčajnych haspadarkach jon nabližaŭsia da 50 kapiejek za kiłahram.
A ŭ tych, chto vyrablaje nasieńnie (naprykład, pradpryjemstvy NAN i pryvatnyja), sabiekošt bulby byŭ kala rubla. «My vyraścili, vykapali, pakłali ŭ schovišča. Heta, budziem kazać, rubiel», — patłumačyŭ ekśpiert.
Taksama Machańko źviarnuŭ uvahu i na značnyja zatraty na zachoŭvańnie bulby, u tym liku źviazanyja z elektraenierhijaj.
«Uspomnicie, jakimi ciopłymi byli vosień i zima. Kab bulba zachoŭvałasia, jaje treba achałodžvać. Na heta idzie elektraenierhija. Kožny miesiac plus 10 kapiejek. Kastryčnik — plus 10 kapiejek, 6 miesiacaŭ
— 1 rubiel 60 kapiejek — voś spraviadlivaja cana na bulbu ŭ asobnych vytvorcaŭ. Heta treba ŭličvać», — padkreśliŭ śpiecyjalist.
Zaraz u biełaruskich kramach bulba pradajecca ad 1,5 rubla da 4,99 rubla (mytaja — daražej).
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary