Alaksandr Łukašenka zapatrabavaŭ zabaranić bankam prymać płaciažy fizičnych asob na karyść zamiežnych arhanizataraŭ azartnych hulniaŭ. Takoje daručeńnie jon daŭ siońnia, 29 maja, na naradzie z kiraŭnictvam Savieta Ministraŭ, piša BiełTA.
Adna z tem narady była ihralny biznes.
«Pa-pieršaje, pry najaŭnaści virtualnych ustanoŭ patrabujecca strachoŭka, kab nie dapuścić udziełu ŭ hulni dziaciej i niedziejazdolnych hramadzian. Pa-druhoje, takija zabavy pavinny być dastupnyja tolki płaciežazdolnym ludziam. Karaciej, my ž nie pieršy raz užo sutykajemsia z hetym pytańniem, a ŭ Biełarusi ŭsio heta ćvicie. Ćvicie i pachnie, jak u narodzie kažuć. Jość dośvied našaj pracy pa ihralnym biźniesie, i, zychodziačy z hetaha dośviedu, davajcie adrehulujem kančatkova ŭsie praviły, — skazaŭ Łukašenka.
«Kolki my viedajem prykładaŭ, kali, dapuścim, (łudaman) nie moža spynicca i barjeraŭ dla jaho niama. Nabiraje daŭhi, kredyty, pradaje majomaść. Pakutuje sam, siamja i hramadstva. Niekatoryja ludzi na heta źviartajuć uvahu», — dadaŭ Łukašenka.
Jon taksama zajaviŭ ab nieabchodnaści ŭvieści ŭ ihralnych ustanovach maratoryj na hulniu ŭ doŭh.
«A moža, i dać prava členam siamji ŭvodzić zabaronu na hulniu čałavieku zaležnamu. Tym bolš što hrošy ad prajhranych kvater i mašyn sychodziać zamiežnym arhanizataram azartnych hulniaŭ, a voś heta ŭžo pryncypovaje pytańnie. Chaciełasia b viedać, jak prapanujecca vyrašyć hetaje pytańnie, — padkreśliŭ Łukašenka. — Treba zabaranić uvohule dla pačatku bankam ažyćciaŭlać takija pieravody za miežy krainy. Hrošy, zaroblenyja tut, pavinny inviestavacca ŭ krainu. Heta tyčycca ŭsich napramkaŭ pracy. Prašu dakłaści, jak u padrychtavanym prajekcie ŭkaza ŭličvajucca hetyja adčuvalnyja pytańni».
Ciapier čytajuć
Łukašenka: Što tvorycca ŭ krainie, u nas usie hetuju huś kruciać8
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2121
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna21
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary
Treba zabaranić uvohule dla pačatku bankam ažyćciaŭlać takija pieravody za miežy krainy. Hrošy, zaroblenyja tut, pavinny inviestavacca ŭ krainu. Heta tyčycca ŭsich napramkaŭ pracy.»
Pramym tekstam kaža: hrošy pavinny inviestavacca ŭ / prajhravacca miascovym biełaruskim arhanizataram azartnych hulniaŭ, jakich "kryšujet" i adkul atrymlivaje častku dachodu.