U Kitai turyst paškodziŭ dźvie fihury Terakotavaj armii
U kitajskim horadzie Sijań psichična chvoramu turystu ŭdałosia praleźci praz aharodžu i paškodzić dźvie hlinianyja fihury znakamitaj Terakotavaj armii. Incydent adbyŭsia 30 maja, piša The Guardian.
Fota ilustracyjnaje
30-hadovy mužčyna pryjechaŭ ź inšaha horada i, pieraadoleŭšy achoŭnuju sietku, uskočyŭ u raskop i pačaŭ ciahnuć dy šturchać fihury. U vyniku dziejańniaŭ vandała dva staražytnyja vajary atrymali paškodžańni.
Achoŭniki muzieja dastali mužčynu ź jamy hłybinioj 5,4 mietra i pieradali palicyi. U muziei paviedamili, što 31 maja ekspazicyja praciahnuła pracu ŭ zvyčajnym režymie.
Terakotavaja armija była stvorana kala 209 hoda da n. e. dla achovy maŭzaleja pieršaha impieratara Kitaja. U joj kala 8 tysiač voinaŭ, i heta adzin z hałoŭnych archieałahičnych simvałaŭ krainy. Fihury byli vypadkova znojdzienyja sielaninam u 1974 hodzie, kali jon kapaŭ kałodziež.
Kompleks znachodzicca za 1,5 km ad hrabnicy impieratara i ŭvachodzić u Śpis Suśvietnaj spadčyny JUNIESKA z 1987 hoda. Muziej źjaŭlajecca hałoŭnaj turystyčnaj słavutaściu Sijania.
Čytajcie taksama:
U Jehipcie znajšli staražytnyja hrabnicy, jakim bolš za 3000 hadoŭ
U Ispanii znajšli abłomki bujnoha karabla časoŭ Siaredniaviečča
U izrailskaj pustyni znajšli zahadkavuju piramidu, poŭnuju skarbaŭ