Padčas archieałahičnych raskopak u jehipieckim Łuksory navukoŭcy vyjavili try hrabnicy, što naležali vysokapastaŭlenym asobam časoŭ Novaha carstva — prykładna pamiž 1539 i 1077 hadami da n. e. Pra heta paviedamlaje CNN sa spasyłkaj na zajavu Ministerstva turyzmu i staražytnaściaŭ Jehipta.
Pachavańni byli znojdzienyja ŭ niekropali Dra Abu el-Nieha. Ministr turyzmu i staražytnaściaŭ Jehipta Šeryf Fatchi nazvaŭ hetaje adkryćcio značnym.
Z nadpisaŭ unutry hrabnic archieołahi ŭstanavili imiony i tytuły tych, chto byŭ tam pachavany. Adna z hrabnic naležyć Amon-em-Ipietu — asobie, što, vierahodna, była źviazanaja z kultam boha Amona. Jon žyŭ u epochu Ramiesidaŭ (XIX—XX dynastyi) i, vierahodna, słužyŭ u chramie.
U druhoj hrabnicy pachavany čałaviek pa imieni Baka, jaki pracavaŭ nahladčykam zbožžaschovišča. Jahonaje pachavańnie maje składanuju strukturu: doŭhi dvor, druhi dvor, niekalki załaŭ i pachavalnaja šachta.
U treciaj hrabnicy znachodzicca pachavańnie Esa — nahladčyka chrama Amona, miascovaha kiraŭnika i pisara. Jana taksama maje dvor, kałodziež i dźvie zały, adna ź jakich niapoŭnaja.
U niekatorych hrabnicach častka malunkaŭ zachavałasia — naprykład, sceny ź ludźmi, što niasuć meblu, i bankietam.
Navukoŭcy płanujuć praciahvać pracu pa ačystcy i daśledavańni hetych hrabnic.
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam
Kamientary