U Barsiełonie na miescy byłoha rybnaha rynku znajšli abłomki vialikaha sudna, jakoje zatanuła kala 550 hadoŭ tamu, kali častka horada była pad vadoj. Archieałahičnuju znachodku vyjavili padčas raskopak pierad budaŭnictvam novaha centra bijamiedycyny i bijaraznastajnaści, piša The Guardian.
«My spadziavalisia znajści archieałahičnyja reštki łodak na hetym miescy, raźmieščanym niedaloka ad porta i štučnaj kamiennaj nabiarežnaj, jakija byli pracoŭnymi zonami ŭ XV i XVI stahodździach. Praz dva hady nam paščaściła znajści łodku», — raskazaŭ viadučy daśledčyk Sanci Pałasijas.
Ciapier archieołahi natknulisia na razburanuju karmu vialikaj łodki, jakaja mahła zatanuć padčas štormu ŭ XV abo XVI stahodździ. Frahmient daŭžynioj 10 mietraŭ i šyrynioj 3 mietry znajšli na hłybini piaci mietraŭ nižej za ŭzrovień mora. Častka sudna ŭpryhožanaja bolš čym 30 vyhnutymi draŭlanymi častkami, jakija trymalisia razam dziakujučy draŭlanym i žaleznym ćvikam.
Navukoŭcy kažuć, što takaja kanstrukcyja typovaja dla siaredniaviečnych łodak siaredziny XV stahodździa, jakija raniej vyjaŭlali pa ŭsioj Jeŭropie, u pryvatnaści ŭ Mižziemnamorji. Łodka atrymała nazvu «Siŭtadeła I» ŭ honar parku niepadalok.
Śpiecyjalisty kažuć, što draŭnina byłoha sudna vielmi dalikatnaja, ale na praciahu stahodździaŭ zachavałasia dziakujučy vilhaci i piasku, jakim była pakrytaja.
«Kab zastavacca ŭ dobrym stanie, draŭnina maje patrebu ŭ pastajannym uvilhatnieńni. Kali my pieraniasiem łodku, jaje pryjdziecca raźbirać pa častkach, kab praciahnuć daśledavańni», — patłumačyła restaŭratarka Delija Ehiłuz.
Ciapier navukoŭcy składajuć kartu miesca archieałahičnaj znachodki, markirujuć častki sudna i biaruć ź jaho ŭzory. Čakajecca, što patanuły karabiel dastaviać u śpiecyjalnuju ŭstanovu, dzie apracujuć vadaraspuščalnym voskam, kab umacavać i lepš zachavać jaho kanstrukcyju.
Ekśpierty spadziajucca, što staryja belki i ćviki sudna dapamohuć pralić śviatło na toje, jak budavali łodki ŭ Siaredniavieččy. Daśledčyki miarkujuć, što analiz draŭniny i smały padkaža, dzie była zroblenaja łodka.
Heta nie pieršaje sudna, jakoje znajšli ŭ Barsiełonie. 17 hadoŭ tamu pablizu čyhunačnaj stancyi znajšli karabiel XV stahodździa pad nazvaj «Barsiełanieta I».
«Heta vielmi važnaje adkryćcio. Havorka idzie nie tolki ab znachodku adnoj łodki, bo zaraz u nas jość dva prykłady idealna zadakumientavanaha karabielnaha budaŭnictva ŭ Barsiełonie», — zajaviŭ Sanci Pałasijas.
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami4
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary