U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych

Rasijskija ŚMI pišuć pra mahčymy jaho padryŭ.

Pavodle infarmacyi šerahu krynic, nadzvyčajnaje zdareńnie adbyłosia na fiederalnaj trasie niedaloka ad pasiołka Vyhaničy, a jaho pryčynaj staŭ nibyta padryŭ apory mosta.

U vyniku ŭniz źlacieła fura, jakaja prajazdžała pa moście. Unizie ž znachodziacca čyhunačnyja puci, pa jakich jakraz u hety momant išoŭ pasažyrski ciahnik «Klimava — Maskva».

Avaryja adbyłasia ŭ 22:44 na adpaputnym pierahonie Pilšyna — Vyhaničy.

Maskoŭskaja čyhunka paviedamiła, što schod pasažyrskaha ciahnika adbyŭsia praz abvalvańnie pralotnaj budovy aŭtamabilnaha mosta «ŭ vyniku niezakonnaha ŭmiašańnia ŭ dziejnaść transpartu». 

Z rejek, jak paviedamlajecca, syšli 4 vahony z łakamatyvam.

Ratavalnikam daviałosia razrazać raskurožany vahon, kab debłakavać ludziej, jakija ŭ im byli.

U vyniku hetaj katastrofy, pa papiarednich danych, 7 čałavieki zahinuli, 69 — paciarpieli.

Siarod zahinułych nibyta jość mašynist i pamočnik mašynista. Siarod paciarpiełych jość hrudnoje niemaŭla. 

Kamientary da artykuła