Rasija naniesła masiravany ŭdar pa haradach Ukrainy, u Kijevie — dzieviać zahinułych, 63 paranienyja
Udar byŭ taksama naniesieny pa Charkavie.
U vyniku rasijskaha ŭdaru rakietami i dronami ŭ Kijevie hetaj nočču, pavodle apošnich źviestak, zahinuli dzieviać čałaviek, paviedamlaje Bi-bi-si sa spasyłkaj na vyratavalnuju słužba Ukrainy.
«Pavodle papiarednich źviestak, zahinuli dzieviać čałaviek, 63 paciarpieli, 42 špitalizavanyja, siarod ich — šaściora dziaciej», — piša Dziaržaŭnaja słužba nadzvyčajnych situacyj u sacsietkach.
Vyratavalniki paviedamlajuć, što praciahvajuć pošuki ludziej pad zavałami žyłych damoŭ.
Pažary, jak piša DSNS, uspychnuli ŭ haražach, a taksama ŭ niejkich administracyjnych i niežyłych budynkach. Akramia taho, hareli aŭtamabili.
Taksama rasijanie dva razy ŭdaryli pa Charkavie.
«Charkaŭ druhi raz za noč — pad atakaj kryłatych rakiet. Było čutna dva vybuchi, u pavietry jašče jość rakieta», — napisaŭ u telehram-kanale mer Charkava Ihar Cierachaŭ.
Pra rakiety, što lacieli na Charkaŭ, i vybuchi paviedamili i mnohija manitorynhavyja i navinavyja ŭkrainskija telehram-kanały.
Pierad hetym Cierachaŭ raskazaŭ, što padčas pieršaj chvali ŭdaraŭ u Charkavie było 19 trapleńniaŭ rakiet i «šachiedaŭ».
«Byli trapleńni siami kryłatych rakiet, akramia taho, byli trapleńni 12 šachiedaŭ pa vytvorčym pradpryjemstvie horada Charkava, akramia taho, pobač z žyłymi damami: pryvatnymi žyłymi damami i šmatpaviarchovymi žyłymi damami», — skazaŭ mer.
Niekatoryja z charkaŭskich karystalnikaŭ sacsietak paviedamlali, što trapleńni byli ŭ rajonie Charkaŭskaha traktarnaha zavoda.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary