Pierastała vychodzić na suviaź połackaja žurnalistka i katalickaja aktyvistka Cina Pałynskaja
Z kanca maja nie vychodzić na suviaź žurnalistka, katalickaja viernica z Połacka Cina Pałynskaja. Vierahodna, jana była zatrymanaja, a zatym mahła być aryštavanaja ŭ miežach kryminalnaj spravy, piša «Chryścijanskaja vizija».
Cina Pałynskaja
Znajomyja Ciny pakul nie viedajuć padrabiaznaściaŭ. Apošni raz žančyna źjaŭlałasia ŭ siecivie 19 traŭnia.
Cina daŭno nie zajmałasia žurnalistykaj. Jana vychoŭvała dočak, pracavała ŭ archivach, u tym liku rasijskich, vykonvajučy pryvatnyja zakazy pa stvareńni bijahrafičnych narysaŭ, siamiejnych knih, historyj pra ŭdzielnikaŭ Druhoj suśvietnaj vajny.
Raniej, u 2022 hodzie, žurnalistku sudzili pa administracyjnym artykule i padviarhali bujnomu štrafu za žoŭtuju i błakitnuju stužki na sumcy, a Śledčy kamitet pravodziŭ raźbiralnictva adnosna jaje pasta ŭ fejsbuku i ładziŭ pieratrus u domie žurnalistki.
Čytajcie taksama:
Palitviazień Dźmitryj Suščyk całkam adbyŭ termin i vyjšaŭ na volu
Stała viadoma, kali adbylisia pieratrusy ŭ miedyja, pra jakija paviedamiŭ ANT