«U palitycy była sprava». Łukašenka vyśvietliŭ, čamu biełarusam nie chapiła bulby

Alaksandr Łukašenka na naradzie pa śfiery kiniematahrafii vykazaŭsia i adnosna taho, čamu niadaŭna ŭ Biełarusi ŭźnik deficyt bulby. Pavodle jaho słoŭ, situacyju stvaryli štučna, a ciapier jaje ŭžo vyrašyli. 

Fota ilustracyjnaje

«Vy pavinny być «pamiarkoŭnymi», uzvažanymi — biełarusami. Ziamnymi ludźmi, jakija hladziać napierad. Nia skuholić uvieś čas, što ŭ nas «ach, drenna, bulby nie chapaje», jašče čahości… Usiaho chapaje ŭ nas», — biezapielacyjna zajaviŭ Łukašenka.

A kali bulby i inšaj aharodniny sioletniaj viasnoj nie chapała, to tut umiašałasia palityka i niadobrazyčliŭcy: 

«Kali pravieryŭ Kamitet dziaržkantrolu niekatorych dziejačaŭ, akazvajecca, u palitycy była sprava. Bulby chapała. Ale dzieści prytrymali, kab pakazać, što, voś, prezident u cenaŭtvareńnie ŭmiašaŭsia, tamu voś vynik. A kali jon [KDK] z kajdankami pryjšoŭ, na stoł pakłaŭ — bulba źjaviłasia», — vykłaŭ svaju viersiju Łukašenka.

Kamientary da artykuła