«Nu što, zusim tut kiepska?» Z takimi słovami Alaksandr Łukašenka vitaŭsia z Natallaj Piatkievič 10 červienia na Nacyjanalnaj kinastudyi «Biełaruśfilm».
Vice-premjerka adkazała, što «treba pamahać, tut kiepska».
Kiraŭnik łukašenkaŭskaj administracyi Dźmitryj Kruty ŭdakładniŭ, što akupnaść «Biełaruśfilma» — 3%.
Łukašenka tradycyjna zapatrabavaŭ «žalezna brać na kantrol». «Potym tryma palcami: voś tabie rubiel — viarni dva», — skazaŭ jon.
Jon dadaŭ, što była praviedziena poŭnaja madernizacyja kinastudyi «Biełaruśfilm» i zroblena ŭsio tak, jak ab hetym prasili sami pradstaŭniki industryi. Ustanoŭlena novaje technałahičnaje abstalavańnie, układzieny vializnyja srodki. «Avans, jaki dziaržava vydzieliła biełaruskamu kiniematohrafu, tak i nie adpracavany», — skazaŭ jon.
Łukašenka aburaŭsia, što za apošni čas nie było hučnych ajčynnych kinapremjer i navat pa telekanałach demanstrujucca ŭ asnoŭnym kinastužki minułych hadoŭ, ale jany ŭžo nie tak čaplajuć sučasnych hledačoŭ, tym bolš kali jość mahčymaść vybaru sa šmatlikich dziasiatkaŭ kanałaŭ.
«Zapomnicie: lišnich hrošaj nie budzie. Nichto vam nijakich hrošaj pad niejkuju novuju kamandu nie daść. I kali vy da 1 vieraśnia na čale ź ministram kultury nie naviadziecie tut paradak, rašeńni buduć vielmi žorstkimi», — skazaŭ jon.
Siarod hučnych filmaŭ, źniatych «Biełaruśfilmam» u apošnija hady — ideałahičnaja stužka «Kulturny kod», prapahandyscki bajavik dla rasijan pra vajnu va Ukrainie «Svaich nie kidajem», film pra prapahandysta «Ptuška Fieniks Alaksieja Tałaja», film «Na inšym bierazie» pra žyćcio Zachodniaj Biełarusi ŭ składzie Polščy.
Ciapier čytajuć
Łukašenka patłumačyŭ, čamu jaho nie vidać pa sieradach i subotach11
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary