Łukašenka na naradzie pra kino: Biez vas my možam abyścisia. Vas niama
Na siońniašniaj naradzie z kiniematahrafistami Łukašenka ź imi asabliva nie cyrymoniŭsia i skazaŭ im «ščyra toje, što moh by nie skazać sielanam ci rabočamu kala stanka».
Łukašenka, padniaŭšy vice-premjerku Natallu Piatkievič, daŭ joj daručeńnie pravieryć usie kulturnyja ŭstanovy, na mnohich ź jakich, maŭlaŭ, situacyja nie lepšaja čym na kinastudyi, bo «ŭsiudy siadziać rynačniki, žullo», a treba hladzieć, kab «usiudy byli ludzi sumlennyja».
Paśla taho jon admysłova padkreśliŭ, što ad kulturnikaŭ patrebny najpierš vynik: «Budzie praca, budzie vynik — vy kryŭdavać nie budziecie. Nie budzie vyniku — nie budzie ničoha».
A paśla taho źviarnuŭsia da prysutnych na naradzie kiniematahrafistaŭ:
«Pasłuchajcie, ja heta ščyra kažu, što moh by nie skazać sialanam ci rabočamu kala stanka. Ale vy prabačcie, ale ja skažu zaraz frazu, z čaho my zychodzim: nu, biez vas my možam abyścisia. Tamu ja ščyra kažu: tak-tak, nie-nie. Usio adno vas niama, razumiejecie? My ničoha nie hublajem, dziaržava. Vas niama. Kab było što hublać, to, viadoma, tut za kožnaje słova adkazvaŭ by. A što hublajem my? U mianie vychadu inšaha niama: albo — albo».
Tamu, pavodle słoŭ Łukašenki, kali vyniku nie budzie — tady staŭleńnie budzie «žestačajšaje». Kali vyniku kiniematahrafisty nie daduć — Łukašenka paabiacaŭ usprymać heta jak padman siabie, z adpaviednymi vynikami. Kali ž tak i budzie, to
«znojdziem troch režysioraŭ, spakojna pačniem vybudoŭvać, na praciahu dvuch-troch hadoŭ my niešta atrymajem, ačyściŭšysia ad usiaho».
Sam Łukašenka hetaha, maŭlaŭ, nie choča, tamu prapanavaŭ nie davodzić situacyju da absurdu.
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca
«Vakoł vajna, vakoł bušuje. Vaźmicie Finlandyju». Łukašenka pračytaŭ kinošnikam lekcyju pa mižnarodnym stanoviščy
Kruty pryznaŭsia Łukašenku, što akupnaść Biełaruśfilma — 3%
Piatkievič: Kiniematohraf u jaho ciapierašnim stanie nam nie patrebny
Łukašenka pra «Biełaruśfilm»: Niachaj stvarajuć, pradajuć i žyvuć, nie — da pabačeńnia
Ciapier čytajuć
Prapahandysty zapeŭnivajuć, što 196 palitviaźniaŭ užo na svabodzie8
Kamientary