U Biełaruś pryjedzie z aficyjnym vizitam prezident Irana
Prezident Irana Masud Piezieškijan naviedaje Biełaruś z aficyjnym vizitam u kancy červienia. Pra heta paviedamiŭ ministr zamiežnych spraŭ Biełarusi Maksim Ryžankoŭ padčas sustrečy sa studentami Maskoŭskaha dziaržaŭnaha instytuta mižnarodnych adnosin 10 červienia.
Masud Piezieškijan. Fota: Vahid Salemi / AP
Masud Piezieškijan voźmie ŭdzieł u pasiadžeńni Vyšejšaha ekanamičnaha savieta JEAES, jakoje projdzie 26—27 červienia.
Ale akramia ŭdziełu ŭ mierapryjemstvach JEAES i supravadžajučym jaho ekanamičnym forumie, vizit prezidenta Irana budzie mieć taksama aficyjny charaktar.
Pavodle słoŭ Ryžankova, Iran źjaŭlajecca dla Biełarusi stratehična važnym partnioram, asabliva z punktu hledžańnia łahistyki — u tym liku dla pastavak tavaraŭ u Indyju i Paŭdniova-Uschodniuju Aziju.
Jon adznačyŭ, što Biełaruś uskładaje vialikija nadziei na raźvićcio mižnarodnaha transpartnaha maršrutu «Poŭnač — Poŭdzień» praź Iran, bo heta moža značna palepšyć mahčymaści krainy ŭ mižnarodnym handli.
Čytajcie taksama:
Tramp pryhraziŭ Iranu niabačanymi raniej bambardziroŭkami
Łukašenka dačakaŭsia vinšavańnia ad prezidenta Irana
Prezident Irana nakłaŭ vieta na zakon ab abaviazkovym našeńni chidžaba