Śviet11

Tramp pryhraziŭ Iranu niabačanymi raniej bambardziroŭkami

Prezident ZŠA Donald Tramp zajaviŭ, što Iran sutykniecca ź niabačanymi raniej bambardziroŭkami, kali nie zaklučyć pahadnieńnie sa Złučanymi Štatami ab raspracoŭcy jadziernaj zbroi. Pra heta Tramp zajaviŭ 30 sakavika padčas telefonnaj razmovy z NBC News.

Donald Tramp. Fota: Joe Raedle / Getty Images

Tramp pryhraziŭ Iranu vajennymi dziejańniami, kali kraina nie zaklučyć pahadnieńnie z ZŠA, jakoje budzie harantavać, što Iran nie budzie raspracoŭvać jadziernuju zbroju.

«Kali jany nie zaklučać pahadnieńnie, budzie bambavańnie. Heta buduć bambardziroŭki, jakich jany nikoli raniej nie bačyli», — zajaviŭ prezident ZŠA, dadaŭšy taksama, što ŭviadzie suprać Irana druhasnyja taryfy.

Pa słovach Trampa, amierykanskija i iranskija aficyjnyja asoby «viaduć pieramovy» z hetaj nahody.

Miž tym u niadzielu prezident Irana Masud Piezieškijan zajaviŭ, što adchilaje niepasrednyja pieramovy z ZŠA ab iranskaj jadziernaj prahramie, što stała pieršym adkazam krainy na list, nakiravany Trampam viarchoŭnamu lidaru Isłamskaj Respubliki.

U pačatku sakavika Tramp zajaviŭ, što nakiravaŭ viarchoŭnamu lidaru Irana ajatale Ali Chamieniei list z prapanovaj ab iranskaj jadziernaj prahramie. Pavodle infarmacyi krynic vydańnia Axios, list Trampa da Chamieniei byŭ «žorstkim» i ŭtrymlivaŭ nie tolki prapanovu pieramoŭ ab novaj jadziernaj uhodzie, ale i nastupstvy, kali Tehieran jaje adkinie.

Paśla ciapierašnich pahroz Trampa Uzbrojenyja siły Irana padrychtavali rakiety, jakimi zmohuć nanosić udary pa pazicyjach, źviazanych z ZŠA. Pra heta paviedamiła Tehran Times sa spasyłkaj na ŭłasnyja danyja. Pavodle infarmacyi miedyja, «značnuju kolkaść» hatovych da zapusku rakiet užo raźmiaścili ŭ padziemnych schoviščach, zdolnych vytrymać avijaŭdary.

Kamientary1

  • Janka
    31.03.2025
    Na mižnarodnaj arenie Tramp upeŭniena pieratvarajecca ŭ schilnaje na klikbejtnych zajavaŭ brachło, ad jakoha ničoha stanoŭčaha nie čakajuć, ale jakoha ŭ suśviecie bajacca ŭsio mienš, i dakładna nie pavažajuć. Dastatkova paraŭnać efiektyŭnaść dziejańniaŭ Izraila, jaki šmat hadoŭ rychtavaŭ i paśpiachova ažyćciaviŭ apieracyju sa srodkami suviazi suprać Chezbały albo vyniščyŭ SPA Irana, z małasensoŭnymi nalotami aviacyi ZŠA na chusitaŭ. Tramp i jahonaja niekampietentnaja kamanda imkliva pieratvarajuć ZŠA ŭ rehijanalnuju dziaržavu. Ale hałoŭnuju niebiaśpieku dla Trampa niasie jahonaja razburalnaja dziejnaść unutry ZŠA, vynikam jakoj budzie strata davieru da amierykanskaha dziarždoŭha i dalara.

Ciapier čytajuć

Pamiatajecie fota z muskulistym biełarusam, jaki ŭ 2020-m išoŭ u sčepcy z amapaŭcam? Ciapier jon zdymajecca ŭ kino ŭ Anhlii1

Pamiatajecie fota z muskulistym biełarusam, jaki ŭ 2020-m išoŭ u sčepcy z amapaŭcam? Ciapier jon zdymajecca ŭ kino ŭ Anhlii

Usie naviny →
Usie naviny

Zasnavany biełarusam startap zapartnioryŭsia z sacsietkaj Trampa

U Varšavie ŭ biełarusaŭ i ŭkraincaŭ nie pryniali zajavy na DNŽ, bo ich zapisaŭ nie akazałasia ŭ sistemie6

Alaksandra Hierasimienia pra prodaž kvatery z aŭkcyjonu: Patelefanavali ŭłaśniku i skazali, što buduć adbirać5

Na rynku ŭ rasijskim Adlery handlavali samarobnaj čačaj — jana zabiła jak minimum 10 čałaviek4

Źjavilisia mierkavanyja detali prapanovy śpiecpasłańnika Trampa — jakija spadabalisia Rasii35

Jon byŭ jak žyvy ščyt. Maryja Maroz raskazała, čamu jany ź Cichanoŭskaj patrabavali, kab ź imi da miažy jechaŭ kiraŭnik AAC Paŭlučenka7

Ušakoŭ: Amierykancy zrabili nam prapanovu, jakaja nam padałasia prymalnaj16

Łukašenka: Škadavać hrošaj dla KDB nie treba29

Na ANT zajavili, što Łatuška ŭ kancy lipienia 2020 nibyta chacieŭ spalić štab Cichanoŭskaj. Łatuška adkazaŭ na heta10

bolš čytanych navin
bolš łajkanych navin

Pamiatajecie fota z muskulistym biełarusam, jaki ŭ 2020-m išoŭ u sčepcy z amapaŭcam? Ciapier jon zdymajecca ŭ kino ŭ Anhlii1

Pamiatajecie fota z muskulistym biełarusam, jaki ŭ 2020-m išoŭ u sčepcy z amapaŭcam? Ciapier jon zdymajecca ŭ kino ŭ Anhlii

Hałoŭnaje
Usie naviny →

Zaŭvaha:

 

 

 

 

Zakryć Paviedamić