U Iranie buduć mianiać ryjały na tumany. Amal za paŭstahodździa ludzi tak i nie pryvykli da novaj nazvy
Prezident Irana prapanavaŭ zamianić nazvu nacyjanalnaj valuty z ryjałaŭ na tumany i pravieści denaminacyju. Adpaviedny zakonaprajekt Masud Piezieškijan unios u parłamient, piša RBK.
Zhodna z dakumientam, 1 tuman budzie ekvivalentny 10 tys. dziejnych ciapier ryjałaŭ, to-bok ź iranskich banknotaŭ prybiaruć čatyry nuli.
Praduhledžany dvuchhadovy pierachodny pieryjad, padčas jakoha ŭ abaračeńni budzie jak novaja, tak i staraja valuta.
Pry hetym varta adznačyć, što iranski ŭrad jašče ŭ 2019 hodzie padtrymaŭ zakonaprajekt ab finansavaj reformie i viartańni da tumanaŭ, jakija byli ŭ abaračeńni ŭ krainie da Isłamskaj revalucyi 1979 hoda.
Jak paviedamlaje iranskaje dziaržaŭnaje ahienctva Tasnim, svajoj metaj finansavaja reforma stavić baraćbu z prablemami, vyklikanymi chraničnaj inflacyjaj i nizkaj pakupnickaj zdolnaściu valuty, — u pryvatnaści, z rostam abjomaŭ štodzionnych tranzakcyj i niehatyŭnym imidžam nacyjanalnaj valuty adnosna zamiežnych.
Ciapier iranski ryjał źjaŭlajecca vielmi tannaj valutaj — za adzin dalar musiać davać pavodle Centralnaha banka Irana bolš za 420 tysiač ryjałaŭ, ale na realnym rynku jon kaštuje 770 tysiač.
Takaja situacyja vyklikaje ciažkaści i ŭ terminałohii: žychary Irana pryvykli skaračać lubuju sumu ŭ dziesiać razoŭ i nazyvać canu ŭ «tumanach» — valucie, jakaja vykarystoŭvałasia ŭ Iranie da Isłamskaj revalucyi 1979 hoda. Časam skaračeńnia ŭ dziesiać razoŭ nie chapaje, i tady sumu skaračajuć jašče na try paradki, nazyvajučy pry hetym adzinku aceńvańnia ŭsio tym ža «tumanam».
Likvidacyja čatyroch nuloŭ pavinna palehčyć praviadzieńnie raźlikaŭ.
«Na praciahu doŭhaha času ŭ nas była nacyjanalnaja valuta, jakuju my zapisvali, i była nacyjanalnaja valuta, jakuju vykarystoŭvali ŭ vusnaj movie. Ryjał faktyčna nie isnavaŭ u žyćci ludziej», — kazaŭ jašče ŭ 2020 hodzie na toj momant prezident Irana Chasan Raŭchani, abviaščajučy pra płany zamieny aficyjnaj nazvy nacvaluty na «tuman».
Pavodle słoŭ tahačasnaha prezidenta, značnaja častka pamyłak u bankach była źviazanaja z błytaninaj pamiž ryjałam i tumanam, «pakolki pamylalisia i prostyja ludzi, i bankaŭskija słužačyja».
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach32
Kamientary
Vy jak biełyja-biełyja koni,
A nia to z Paniamońnia, a nia to z-za Dźviny..."
Dy i navošta biełaruščynu da iranščyny pryplatać. I tak užo i Biełaruś i Iran akupantam dapamahajuć.