Rejsy ź Minska ŭ Dubaj časova admianiajucca z-za abvastreńnia situacyi na Blizkim Uschodzie

Pavodle infarmacyi z anłajn-tabło Nacyjanalnaha aeraporta Minsk, 13 i 14 červienia nie adbuducca niekalki rejsaŭ avijakampanii FlyDubai: jak ź Minska ŭ Dubaj, tak i ŭ zvarotnym kirunku, piša BiełTA.

U pryvatnaści, skasavany viečarovy rejs z Dubaja 13 červienia, a taksama dva rejsy ź Minska na nastupny dzień — u 00:30 i 13:30. Rejsy z Dubaja ŭ Minsk na 14 červienia taksama admienienyja.

Pryčyna — vajennaje supraćstajańnie pamiž Izrailem i Iranam. Izrail nanios udary pa iranskaj terytoryi, u adkaz Tehieran abvinavaciŭ Izrail u «pierasiačeńni ŭsich čyrvonych linij».

U vyniku mnohija avijakampanii abychodziać pavietranuju prastoru Irana, Iraka i Izraila, što ŭskładniaje paloty pa rehijonie. Bolš za 10 samalotaŭ, uklučajučy rejs FlyDubai ź Minska, vymušana sieli ŭ Baku. 

Kamientary da artykuła