Tramp: Niekatoryja ŭ Iranie śmieła havaryli. Ciapier jany miortvyja, i budzie jašče horš!
Prezident ZŠA prakamientavaŭ udary Izraila pa Iranie. I papiaredziŭ, što heta tolki pačatak.
Donald Tramp zajaviŭ, što davaŭ Iranu šancy zaklučyć ździełku i papiaredžvaŭ, što ŭ advarotnym vypadku buduć nastupstvy.
Tak prezident ZŠA prakamientavaŭ udary Izraila pa Iranie.
«Ja davaŭ Iranu šaniec za šancam zaklučyć ździełku. Ja papiaredžvaŭ ich u samych jasnych vyrazach «prosta zrabicie heta», — napisaŭ Tramp. — Ja kazaŭ im, što heta budzie horš, čym usio, z čym jany byli sutykalisia, byli čakali abo pra što im byli kazaŭšy, što ZŠA vyrablajuć najlepšyja i samyja mocnyja ŭzbrajeńni na śviecie, NAMNOHA lepšyja, i ŭ Izraila ich šmat — i ŭ Izraili viedajuć, jak imi karystacca».
Prezident ZŠA zaklikaŭ Iran zaklučyć ździełku, pakul nie pozna.
«Užo šmat śmierciaŭ i razbureńniaŭ, a nastupnyja zapłanavanyja ataki buduć jašče bolš žorstkija, ale ŭsio jašče jość čas, kab spynić hetuju bojniu. Iran musić zaklučyć ździełku, inakš ad jaho ničoha nie zastaniecca, i ŭratavać toje, što niekali było viadoma jak Iranskaja Impieryja. Bolš nijakich śmierciaŭ, nijakich razbureńniaŭ. PROSTA ZRABICIE HETA, PAKUL NIE POZNA. Boža vas usich dabrasłavi!» — napisaŭ Tramp.
Čym viadomy Chasiejn Sałami — kamandujučy, jaki zahinuŭ padčas izrailskaha ŭdaru
Izrail nanios udary pa Iranie. Zahinuli kiraŭnik Korpusa vartavych isłamskaj revalucyi i načalnik Hienštaba armii Irana
Viarchoŭny lidar Irana pahražaje Izrailu nastupstvami
Tramp adreahavaŭ na avijaŭdary Izraila pa Iranie
Izrail zadziejničaŭ dla ŭdaraŭ pa Iranie 200 samalotaŭ
Samalot ź Minska ŭ Dubaj ekstranna sieŭ u Baku
Kamientary