Izrail nanios udary pa Iranie. Zahinuli kiraŭnik Korpusa vartavych isłamskaj revalucyi i načalnik Hienštaba armii Irana
Izrail u noč na piatnicu pačaŭ nanosić udary pa celach u Iranie. Ułady krainy zajavili, što atakavali iranskuju jadziernuju prahramu, i abviaścili nadzvyčajnaje stanovišča ŭ čakańni ŭdaraŭ z boku Tehierana, piša Bi-bi-si.
«My nanieśli ŭdar pa sercy iranskaj jadziernaj prahramy. My nacelilisia na hałoŭny abjekt pa ŭzbahačeńni ŭranu ŭ Natanzie. […] My taksama nanieśli ŭdar pa sercy iranskaj prahramy pa stvareńni balistyčnych rakiet», — zajaviŭ u videazvarocie premjer-ministr Izraila Bińjamin Nietańjachu, dadaŭšy, što vajskoŭcy taksama nanieśli ŭdar pa iranskich vučonych-jadzierščykach.
Pavodle słoŭ Nietańjachu, apieracyja «budzie praciahvacca stolki dzion, kolki spatrebicca dla likvidacyi pahrozy» z boku Irana.
Abviaščajučy pra pačatak apieracyi, ministr abarony Izraila Israel Kac zajaviŭ, što ŭ krainie ŭviedziena «asablivaje nadzvyčajnaje stanovišča», i napad Irana ŭ adkaz čakajecca ŭ najbližejšy čas.
«Paśla previentyŭnaha ŭdaru Dziaržavy Izrail pa Iranie ŭ najbližejšaj budučyni čakajecca rakietny i bieśpiłotny ŭdar pa Izraili i jaho cyvilnym nasielnictvie», — havorycca ŭ zajavie.
Iranskija dziaržaŭnyja ŚMI paviedamlajuć, što Izrail nanios udary pa žyłych rajonach Tehierana i inšych haradoŭ.
Infarmahienctvy raspaŭsiudzili kadry žyłych damoŭ u Tehieranie, jakija byli paškodžanyja ŭ vyniku udaraŭ.
Paviedamlałasia, što pad udar patrapiła štab-kvatera Korpusa vartavych isłamskaj revalucyi ŭ iranskaj stalicy.
Paźniej stała viadoma, što ŭ vyniku ŭdaru zahinuŭ kamandujučy Korpusam vartavych isłamskaj revalucyi Irana Chasiejn Sałami, pra heta paviedamili dziaržaŭnaje infarmahienctva Tasnim i inšyja miascovyja ŚMI.
Pavodle ich danych, taksama byŭ zabity Fierejdun Abasi, vučony-jadzierščyk i były kiraŭnik Arhanizacyi pa atamnaj enierhii Irana.
KVIR abiacaje adpomścić za hibiel kamandzira.
U zajavie, začytanaj u efiry dziaržaŭnaha telebačańnia Irana, havorycca, što dziejańni Izraila nie zastanucca biez adkazu, i jaho čakaje «žorstkaja pomsta».
Viarchoŭny lidar Irana pahražaje Izrailu nastupstvami.
Viarchoŭny lidar Irana ajatała Ali Chamieniei papiaredziŭ Izrail pra «horkija i balučyja» nastupstvy paśla ŭdaraŭ pa iranskaj terytoryi.
Uzbrojenyja siły Irana raniej paabiacali «rašučy adkaz» na izrailskaje napadzieńnie.
Chamieniei skazaŭ, što daje poŭnuju svabodu dziejańniaŭ vajennym.
Tym časam u Tehieranie ranicaj u piatnicu prahučała novaja sieryja vybuchaŭ, paviedamiła dziaržaŭnaje telebačańnie.
Pavodle jaho danych, spracavała sistema supraćpavietranaj abarony.
Vybuchi taksama čuli karespandenty AFP u horadzie. Pavodle paviedamleńniaŭ iranskich ŚMI, u stalicy krainy paškodžanyja žyłyja damy, jość taksama zahinułyja — nie tolki siarod aficyjnych asob.
Tam paćvierdzili, što Izrail atakavaŭ jadziernyja abjekty krainy.
Źjaviłasia taksama infarmacyja pra hibiel načalnika Hienštaba Irana Machamieda Bahiery.
Ciapier čytajuć
Dron prylacieŭ u pasažyrski aŭtobus na miažy Rasii i Biełarusi7
Kamientary