Kolki pratrymajecca Ukraina biez amierykanskaha ŭzbrajeńnia? I ci paśpieje Jeŭropa raskačaharycca ŭ takim vypadku?
Vytvorčaść, a taksama pastaŭki ŭzbrajeńniaŭ Ukrainie analizuje The Wall Street Journal i sprabuje dać adkaz, što budzie, kali ZŠA spyniać pastaŭki.
Pa infarmacyi vydańnia, siońnia Ukraina vyrablaje abo finansuje zakupku 55% svajho ŭzbrajeńnia i techniki, Jeŭropa pastaŭlaje 25%, ZŠA — 20%.
Jeŭropa rychtujecca pavialičyć vajskovuju dapamohu Ukrainie. U 2024 hodzie jana skłała kala $25 młrd — bolš, čym ad ZŠA. U Jeŭropie abmiarkoŭvajuć mahčymaści pavialičyć hetuju sumu da $30 młrd u 2025 hodzie.
Ukrainski VPK ciapier u sukupnaści vyrablaje ŭzbrajeńniaŭ na $30 młrd u hod. Da prykładu, Ukraina ciapier vyrablaje 2,5 młn artyleryjskich i minamiotnych bojeprypasaŭ u hod. Jeŭropa ŭ 2024 hodzie zrabiła 1,4 młn snaradaŭ i maje namier vyjści na 2 młn sioleta. ZŠA za try hady vajny pastavili Ukrainie 3 młn artyleryjskich bojeprypasaŭ.
Prablema ŭ tym, što ZŠA pastaŭlali šmatlikija ŭzbrajeńni, jakija litaralna niemahčyma zamianić. Heta sistemy i pierachopniki SPA, dalnabojnaja rakietnaja artyleryja (HIMARS i GMLRS), navihacyjnyja sistemy i balistyčnyja rakiety (ATACMS). Jeŭropa vyrablaje nie tak šmat takoj namienkłatury, a niekatoruju nie vyrablaje ŭ pryncypie.
Zaklučanyja jašče pry Bajdenie kantrakty na vytvorčaść uzbrajeńniaŭ dla Ukrainy pa prahramie USAI pavinny praciahvacca ŭ 2025-26 hady (kali Tramp ich nie admienić).
Ale deficytnaje amierykanskaje ŭzbrajeńnie stanie samaj vialikaj prablemaj u vypadku spynieńnia amierykanskaj dapamohi.
Pa słovach zachodnich čynoŭnikaŭ, pastavak amierykanskich uzbrajeńniaŭ, vydzielenych pry Bajdenie ŭ jaho apošnija miesiacy, budzie dastatkova, kab Ukraina zachoŭvała svaju biahučuju bajazdolnaść jak minimum da pačatku — siaredziny leta. Paśla hetaha pačnie adbivacca niedachop niekatorych klučavych vidaŭ uzbrajeńniaŭ.
Starejšy analityk fondu «Viarnisia žyvym» Mikałaj Bieleskaŭ ličyć, što pry biahučych pastaŭkach vajennaj dapamohi Ukraina zmoža pratrymacca ad paŭhoda da hoda. A Jeŭropa pavinna budzie vykarystać hety čas, kab jašče bolš razahnać svaju vytvorčaść uzbrajeńniaŭ.
Kamientary