Karal Naŭrocki źbirajecca pajechać va Ukrainu i sustrecca ź Zialenskim
Abrany prezident Polščy Karal Naŭrocki zajaviŭ, što maje namier nieŭzabavie naviedać Ukrainu i sustrecca z Uładzimiram Zialenskim. Dakładnaja data sustrečy pakul nieviadomaja.
Karal Naŭrocki. Fota: Andrzej Iwanczuk/NurPhoto via Getty Images
U intervju polskamu telekanału Polsat News Naŭrocki adznačyŭ, što płanuje naviedać usich susiedziaŭ Polščy, i sustreča z prezidentam Ukrainy stanie častkaj hetaha pracesu. Jon padkreśliŭ, što pamiž Ukrainaj i Polščaj isnuje šmat ahulnych intaresaŭ i metaŭ.
U toj ža čas Naŭrocki pryznaŭ, što jość i sprečnyja pytańni, jakija zastajucca nievyrašanymi. U pryvatnaści, jon uzhadaŭ prablemu z polskimi fiermierami i pytańnie ekshumacyi achviar Vałynskaj trahiedyi časoŭ Druhoj suśvietnaj vajny.
Pazicyja Naŭrockaha adnosna Ukrainy zastajecca supiarečlivaj. Padčas pieradvybarčaj kampanii jon zajaŭlaŭ, što nie dapuścić ustupleńnia Ukrainy ŭ NATA, kab atrymać padtrymku vybarcaŭ inšaha kandydata. Adnak paśla pieramohi jon źmiakčyŭ svaju pazicyju, zajaviŭšy, što ciapier ustupleńnie Ukrainy ŭ NATA niemahčymaje, pakul kraina znachodzicca ŭ stanie vajny z Rasijaj.
Taksama jon adznačyŭ, što Ukraina nie pavinna dałučacca da Jeŭrasajuza, pakul nie vykanaje ŭsie patrabavańni dla siabroŭstva.
Čytajcie taksama:
Andžej Duda paabiacaŭ Cichanoŭskaj arhanizavać joj sustreču z Naŭrockim
Jak dačka novaha prezidenta Polščy Karala Naŭrockaha stała zorkaj i skrała ŭvahu ŭsioj krainy
Duda: Rasija vydychajecca, a my macniejem. A nakont Ukrainy ŭ NATA ja z Naŭrockim pahavaru
Zianon Paźniak adpraviŭ sardečnyja vinšavańni Karalu Naŭrockamu