«Złaviła paniku prosta ad videa». U tyktoku zavirusiŭsia rolik pra «biazdonnaje» krejdavaje voziera

Videa, dzie pakazana, što adbyvajecca pad vadoj u krejdavym karjery ŭ pasiołku Krasnasielski Vaŭkavyskaha rajona, stała vielmi papularnym u tyktoku — jano nabrała ŭžo 2,5 miljony prahladaŭ i sotni kamientaroŭ. Aŭtarka rolika napisała pra «rezkija abryvy i vielizarnuju hłybiniu», jakija jana ŭbačyła pad vadoj, piša Telegraf.news.

Rolik vyklikaŭ aktyŭnaje abmierkavańnie — ludzi pačali dzialicca svaimi strachami i vopytam. Niekatoryja pisali, što ŭ krejdavych karjerach lohka patanuć, bo hleba tam niestabilnaja i možna pravalicca navat kala bieraha. Adna z kamientatarak navat pryznałasia, što «złaviła paniku prosta ad videa», bo baicca hłybini.

@vikaa_vika1 Miełovoj kaŕjer v Biełarusi. Druhije vidieo s etoho kaŕjera jesť v zakriepie #miełovojkaŕjer#sjemkapodvodoj#podvodoj ♬ comfort chain (Ambient) - Inan & pandora.

Inšyja raskazvali svaje historyi: niechta ŭtapiŭsia ŭ hlei, niechta pravaliŭsia kala bieraha ledź nie da kalena. Šmat chto pisaŭ, što na pieršy pohlad dno zdajecca biaśpiečnym, ale nasamreč jano vielmi padstupnaje.

Adnak byli i inšyja mierkavańni — niekatoryja ličyli, što hałoŭnaje nie hłybinia, a ŭmieńnie płavać i być ćviarozym. Maŭlaŭ, kali nie panikavać i dobra trymacca na vadzie, to niama roźnicy, dzie ty płavaješ — u voziery, race ci navat u akijanie.

Kamientary da artykuła