U Biełarusi zvyčajna zabaraniajecca kupacca ŭ zapoŭnienych vadoj krejdavych karjerach, ale ciapier zrabili vyklučeńnie i aficyjna dazvolili vykarystoŭvać dla hetaj mety adzin ź ich. Pra heta paviedamili ŭ Biarozaŭskim rajvykankamie.
Ciapier možna budzie kupacca ŭ karjery kala ahraharadka Kabaki ŭ Biarozaŭskim rajonie Bresckaj vobłaści, tam abstalavali plaž.
Sajt Kobrincity.by piša, što miascovyja aziory, utvoranyja na miescy karjeraŭ, znachodziacca za dva z pałovaj kiłamietra ad Kabakoŭ, i adno ź ich navat zachavała biruzovy koler.
Hetyja karjery źjavilisia amal 100 hadoŭ tamu, u 1930-ch hadach, tady tam uručnuju zdabyvali karysnyja vykapni. A paśla pašyreńnia vytvorčaści krejdu zdabyvali dla vapnavaha zavoda ŭ Biarozie.
Hetyja karjery (usiaho ich try) znachodziacca za 15 km ad Biarozy, za 40 km ad Kobryna, za 100 km ad Bresta i 245 km ad Minska. Kali jechać mašynaj, to lepš dabiracca pa trasie M1 praz Kobryn da Horska, pavarot na N85 praz Maleč, zatym pa R101 u kirunku da ahraharadka Kabaki.
Ad Minska taksama lepš jechać pa trasie M1 da pavarotu na R84 na Biarozu, pa darozie R101.
Ciapier čytajuć
Kamientary