Usiaho patrochu33

Ciapier «Biełaruskija Maldyvy» možna naviedać aficyjna

«Biełaruskimi Maldyvami» nazyvajuć adpracavanyja krejdavyja karjery AAT «Krasnasielskbudmateryjały» — vadajomy z vadoj niezvyčajna jarka-biruzovaha koleru, dzie tak lubiać fatahrafavacca i, na žal, kupacca biełarusy.

Fota: Belkraj.by

Ciapier ich možna budzie naviedać aficyjna. Paŭtarahadzinnaja ekskursija ŭklučaje naviedvańnie muzieja zavoda i ahladnaj placoŭki, ź jakoj adkryvajecca niezvyčajny vid, jak piša «Hrodzienskaja praŭda».

«My padumali, što było b niadrenna złučyć u adnym maršrucie vytvorčaść i pryhožy łandšaft. Tak naradziłasia zadumka z uładkavańniem naziralnaj placoŭki. U pramysłovy turystyčny maršrut abjekt uklučyli ź leta minułaha hoda, — kaža namieśnik hiendyrektara Hienadź Najdziuk. — Ličym, atrymałasia hodna, pryhoža, a hałoŭnaje, biaśpiečna. Apošni aśpiekt asabliva važny. Bo krejdavyja karjery, niahledziačy na zabaronu naviedvańnia, zaŭsiody pryciahvali amataraŭ adpačynku na pryrodzie, fotasiesij, ekstremałaŭ. A ciapier u ich źjaviłasia lehalnaje miesca, dzie možna atrymać asałodu ad miascovaj pryhažości, ubačyć karjery i zrabić fota na pamiać. Ustalavali biaśpiečnuju płatformu z aharodžaj, jakaja pieraškadžaje padychodu ludziej da stromkich schiłaŭ karjera».

Fota: «Hrodzienskaja praŭda»

Šlach da naziralnaj placoŭcy niadoŭhi: ad pradpryjemstva da patrebnaha punkta kiłamietraŭ z vosiem. Vychodziš z mašyny — i pierad vačyma adkryvajecca malaŭničy vid na avalnuju čašu, zapoŭnienuju vadoj.

«Płošča — 54 hiektary, hłybinia — da 50 mietraŭ. Ź placoŭki prahladajecca maštabnaść. Možna ŭbačyć uvieś karjer całkam, na stromych schiłach razhledzieć płasty roznych koleraŭ. Darečy, jakraz tut byŭ znojdzieny adbitak ryby vidu chopłapteryks, jaki možna ŭbačyć u muziei, — kaža Hienadź Najdziuk. — Raskažuć tut i pra technałohiju zdabyčy krejdy. Paśla taho jak resurs karjera vyčarpany, technika pieravodzicca na novyja ŭčastki, a hety, dzie vialisia raboty, zapaŭniajecca naturalnym čynam. Biełaja krejda na dnie nadaje vadzie toj samy niepaŭtorny błakitnavata-biruzovy koler. Pryjemna sieści na łaŭcy i pasiadzieć u cišyni, atrymać asałodu ad pryrody».

Ci buduć dastupnyja turystam inšyja adpracavanyja karjery, na pradpryjemstvie havaryć nie biarucca. Pa słovach Hienadzia Najdziuka, pakul u płanach udaskanaleńnie hetaha turystyčnaha maršrutu.

Kamientary3

  • Kazik
    23.06.2023
    Placoŭka na fotcy daloka. Mahli b užo bližej zrabić
  • Juzik sa stancyi Kruleŭščyna
    23.06.2023
    Heta ž kolki miljonaŭ hadoŭ zapar na hetym miescy isnavała ciopłaje mora (a moža i akijan), kab uźnikli takija vielizarnyja pakłady roznych karałaŭ, jakija zatym pieratvarylisia ŭ kreŭdu!!! 
  • daviedka
    23.06.2023
    Za charaktiernymi riešiotkami na foto načinajetsia ili zakančivajetsia tierritorija riežimnoj Biełarusi?!

Ciapier čytajuć

Jak za hod źmianiłasia kolkaść biełarusaŭ u Litvie. Ličby ŭražvajuć13

Jak za hod źmianiłasia kolkaść biełarusaŭ u Litvie. Ličby ŭražvajuć

Usie naviny →
Usie naviny

Suprać Biełarusi taryfy Trampa nie ŭviedzienyja7

Łatuška: Muž Mielnikavaj pakinuŭ Polšču 3 sakavika15

«Raźličvać niama na što». Administracyja Trampa zamaroziła finansavańnie stypiendyj, pa jakich vučacca ŭ tym liku i biełarusy8

«Dzień vyzvaleńnia Amieryki». Donald Tramp abviaściŭ usiamu śvietu handlovuju vajnu27

«Baču pomstu za maju pracu». Volha Siamaška adreahavała na rasśledavańnie «NN» 49

Pasoł Rasii apałčyŭsia na palitemihrantaŭ za «paŭzučuju pałanizacyju» Biełarusi23

Suŭładalnika «Varhiejminha» Mikałaja Kacałapava abvinavačvajuć u danatach apazicyjnym strukturam na sotni tysiač dalaraŭ11

Ci sapraŭdy delehaty KR admovilisia prachodzić palihraf? Kraŭcoŭ adkazvaje Žyharu29

U Mjanmie z-za ziemlatrusu navat na miesiac spyniajuć hramadzianskuju vajnu2

bolš čytanych navin
bolš łajkanych navin

Jak za hod źmianiłasia kolkaść biełarusaŭ u Litvie. Ličby ŭražvajuć13

Jak za hod źmianiłasia kolkaść biełarusaŭ u Litvie. Ličby ŭražvajuć

Hałoŭnaje
Usie naviny →

Zaŭvaha:

 

 

 

 

Zakryć Paviedamić