Śpiecsłužby pad vyhladam ukraincaŭ źbirajuć źviestki ź miažy i zaklikajuć u «kamandu Siarhieja Cichanoŭskaha»
Pa biełaruskich čatach adbyłasia čarhovaja rassyłka śpiecsłužbaŭ. Akazałasia, toj ža akaŭnt źbiraje źviestki i va ŭkrainskich miedyja.
Vyjava, zhienieravanaja niejrasietkaj
Telehram-akaŭnt z ID 7148588737 i imiem «Taras» pačaŭ rassyłać pa roznych biełaruskich supołkach zakliki ŭstupać u kamandu Cichanoŭskaha. Admietna, što da dopisu prykładzienaje sapraŭdnaje videa, ale ŭsie astatnija spasyłki — fejkavyja:
Paviedamleńnie «Tarasa» ŭ roznych čatach
Admietna, što ŭ žniŭni 2025 hoda hety ž akaŭnt raspaŭsiudžvaŭ paviedamleńni va ŭkrainskich čatach. Tam jon kazaŭ, što «ŭ Biełarusi ŭzmacniajuć hrupoŭki vojskaŭ na Homielskim i Mozyrskich napramkach». I šukali infarmataraŭ «ź miescaŭ». U jakaści kantaktnaha e-mail byŭ ukazany hety adras: lonnalamucuxakabi@gmail.com. Voś prykład paviedamleńnia:
Paviedamleńnie «Tarasa» ŭ adnym z ukrainskich čataŭ
Chto staić za hetymi atakami, dakładna nieviadoma, ale amal napeŭna heta śpiecsłužby Biełarusi. Heta vielmi padobna da taho, jak jany dziejničali ŭ inšych vypadkach.
Čytajcie taksama:
Śpiecsłužby prydumali novy sposab, jak źbirać fota biełarusaŭ zamiežža z sustrečy ź Cichanoŭskimi
Try prostyja parady, kab nie natrapić na fejkavyja inicyjatyvy ŭ Telegram