Zialenski źbirajecca pamianiać premjera i ministra abarony
Prezident Ukrainy Uładzimir Zialenski užo zaŭtra moža prapanavać pasadu staršyni ŭrada ciapierašniaj pieršaj vice-premjercy — ministarcy ekanomiki Julii Śvirydzienka. Zaŭtra jon sustreniecca ź joj, kab abmierkavać farmat i členaŭ novaha Kabinieta ministraŭ, paviedamlaje «Suśpilnie» sa spasyłkaj na infarmavanaha surazmoŭcu z atačeńnia Zialenskaha.
Julija Śvirydzienka. Fota: Andrea Savorani Neri/NurPhoto via Getty Images
Kandydaturu dziejnaha premjera Dzianisa Šmyhala mohuć razhladać na pasadu ministra abarony zamiest Rustema Umierava, jakoha buduć naminavać na pasadu ambasadara Ukrainy ŭ ZŠA.
Akramia Šmyhala, na pasadu kiraŭnika Minabarony razhladajucca taksama kandydatury ministra ŭnutranych spraŭ Ihara Klimienki i vice-premjera — ministra ličbavaj transfarmacyi Michaiła Fiodarava.
Na niadaŭniaj kanfierencyi ab adnaŭleńni Ukrainy, jakaja adbyłasia ŭ Rymie, Julija Śvirydzienka, jakaja tam prysutničała, kazała, što joj pakul nie prapanoŭvali ŭznačalić urad.
Čytajcie taksama:
Zialenski: ZŠA adnavili pastaŭki zbroi Ukrainie
Duda praśviaciŭ Zialenskaha adnosna Vałynskaj trahiedyi. Toj pra jaje nie viedaŭ
Kiełah: Ukrainie patrebny novy «Płan Maršała»
Załužny i Zialenski zastajucca šalona papularnymi va Ukrainie