Prezident Ukrainy Uładzimir Zialenski paviedamiŭ u svaim piatničnym videazvarocie, što ZŠA znoŭ pačali pastaŭki zbroi va Ukrainu paśla čarhovaha pierapynku. Pavodle jaho słoŭ, pastupili pazityŭnyja sihnały na vysokim palityčnym uzroŭni — jak ad ZŠA, tak i ad jeŭrapiejskich partnioraŭ. Vajskoŭcy dakładajuć, što pastaŭki ŭžo adnoŭlenyja.
Zialenski taksama skazaŭ, što na nastupnym tydni Ukraina praciahnie supracoŭnictva z ZŠA ŭ vajskovaj śfiery. U pryvatnaści, čakajecca vizit śpiecyjalnaha pradstaŭnika prezidenta ZŠA pa pytańniach Ukrainy — Kita Kiełaha, jaki pryjedzie ŭ Kijeŭ 14 lipienia i prabudzie tam ceły tydzień. Akramia taho, Ukraina rychtuje novyja jeŭrapiejskija abarončyja pakiety dapamohi.
Prezident Ukrainy adznačyŭ, što Kijeŭ pracuje nie tolki nad atrymańniem zbroi z-za miažy, ale i nad pavieličeńniem ułasnaj vytvorčaści. Pa słovach Zialenskaha, jość dobryja damoŭlenaści i nadzieja na novyja, kab zabiaśpiečyć Ukrainie bolš zbroi, bolš sistem supraćpavietranaj abarony i lepšuju abaronu nieba.
Raniej paviedamlałasia, što prezident ZŠA Donald Tramp płanuje ŭ paniadziełak zrabić «važnuju zajavu nakont Rasii». Pavodle źviestak Reuters, jon maje namier upieršyniu z momantu svajoj inaŭhuracyi vydzielić Ukrainie pakiet vajskovaj dapamohi na $300 miljonaŭ. U jaho ŭvojduć rakiety dla kompleksaŭ Patriot i rakiety siaredniaha radyusu dziejańnia. Da hetaha pastaŭki išli ŭ miežach prahramy, zaćvierdžanaj byłym prezidentam Džo Bajdenam.
Pucin hatovy da paharšeńnia adnosin z Trampam i nie budzie spyniać vajnu
Rubia patłumačyŭ zajavu Trampa pra zbroju dla Ukrainy za košt NATA
Kreml pieradaŭ Trampu novyja prapanovy pa Ukrainie
Tramp zajaviŭ, što vystupić z važnaj zajavaj nakont Rasii
«Sa studzienia Rasija straciła 100 tysiač sałdat. Zabitymi. Nie ŭsiaho, a zabitymi»
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu8
Kamientary