Duda praśviaciŭ Zialenskaha adnosna Vałynskaj trahiedyi. Toj pra jaje nie viedaŭ
Prezident Polščy Andžej Duda, jaki nieŭzabavie maje sastupić svaju pasadu Karalu Naŭrockamu, daŭ intervju polskim kanałam, u jakim paviedamiŭ, što jahony ŭkrainski kaleha Uładzimir Zialenski nibyta ničoha nie viedaŭ pra Vałynskuju trahiedyju da taho času, pakul jon pra jaje jamu nie raskazaŭ.
«Ja razmaŭlaŭ z roznymi prezidentami Ukrainy. Va ŭsiakim razie, jak z prezidentam Parašenkam, tak i z prezidentam Zialenskim. Ja nie chavaju, što ŭ mianie zaŭsiody było adčuvańnie, što ja znachodžu bolšaje razumieńnie ŭ prezidenta Zialenskaha.
Dumaju, jon kazaŭ praŭdu, kali skazaŭ mnie: «Andžej, ja nikoli raniej nie čuŭ pra masavyja zabojstvy, pra zabojstvy palakaŭ na zachodnich ziemlach Ukrainy, na Vałyni. U škole nas hetamu nie vučyli», — zajaviŭ Duda.
Prezident Polščy ličyć pamyłkovym pierakanańnie ŭ tym, što viedańnie składanaj historyi i zroblenych u minułym złačynstvaŭ źjaŭlajecca zvyčajnaj źjavaj siarod žycharoŭ Zachodniaj Ukrainy.
«Vy ŭpeŭnienyja, što dziadula vychvalaŭsia svaim unučkam, kala kałyski raskazvaŭ, jak zabiŭ susiedku viłami i raźbiŭ jaje dzicia ab chleŭ?» — rytaryčna spytaŭ jon.
Polšča i Ukraina damovilisia pra ekshumacyju achviar Vałynskaj raźni
U Łucku ŭ 80-ju hadavinu Vałynskaj trahiedyi adbyłasia sustreča prezidentaŭ Ukrainy i Polščy
Andžej Duda paabiacaŭ Cichanoŭskaj arhanizavać joj sustreču z Naŭrockim
Duda: Rasija vydychajecca, a my macniejem. A nakont Ukrainy ŭ NATA ja z Naŭrockim pahavaru
Karal Naŭrocki źbirajecca pajechać va Ukrainu i sustrecca ź Zialenskim
U zahinułaj u Ślapiancy dziaŭčynie apaznali Janu Kastrankovu2
Kamientary
Polski ŭrad nadaŭ Buramu status nacyjanalnaha hieroja, palaki chodziać maršami na jahony honar... Duda duje ŭ dudu.