Biełaruska ŭpała na hanku doma i adsudziła ŭ kamunalnikaŭ 5000 rubloŭ kampiensacyi

Žančyna nieadnarazova źviartała ŭvahu kamunalnych słužbaŭ na drenny stan leśvicy kala padjezda. Viasnoj 2023 hoda jana padymałasia pa hetych prystupkach, a kali stupiła pravaj nahoj na apošniuju ź ich, kavałak tynkoŭki adarvaŭsia i ŭpaŭ joj na levuju nahu, piša pres-słužba Homielskaha abłasnoha suda.

Fota ilustracyjnaje

Žančyna spatyknułasia i ŭpała na piešachodnuju darožku. Z traŭmami jaje zabrali ŭ balnicu, dzie jana praviała kala miesiaca.

U sudzie žančyna zajaviła, što kamunalniki, adkaznyja za techničnaje absłuhoŭvańnie i ramont, parušyli zakon ab abaronie pravoŭ spažyŭcoŭ žyllova-kamunalnych pasłuh. Jana patrabavała kampiensacyju maralnaj škody ŭ pamiery 100 tysiač rubloŭ.

Vyśvietliłasia, što dom absłuhoŭvaŭsia tym samym pradpryjemstvam, a leśvicu nie ramantavali, choć heta było praduhledžana prajektam ramontu. Ramont prystupak zrabili tolki ŭ 2024 hodzie. Sud adznačyŭ, što leśvica mieła raskoliny, skoły i adsłajeńni pakryćcia, što śviedčyć pra nizkuju jakaść ramontnych rabot.

Sud pryjšoŭ da vysnovy, što mienavita drenny stan leśvicy staŭ pryčynaj padzieńnia i traŭmy. Kamunalniki, jak ustanoŭlena, adkazvajuć i za biaśpieku terytoryi kala doma. U vyniku sud pastanaviŭ vypłacić žančynie 5000 rubloŭ maralnaj kampiensacyi.

Kamientary da artykuła