Va Ušackim rajonie mužčynu buduć sudzić za zabojstva miadźviedzia
Žychara Ušackaha rajona buduć sudzić za niezakonnaje palavańnie, u tym liku za zabojstva miadźviedzia, jaki zaniesieny ŭ Čyrvonuju knihu. Pra heta paviedamlaje prakuratura Viciebskaj vobłaści.
Fota: Getty Images
Pavodle materyjałaŭ spravy, 45-hadovy mužčyn u pieryjad ź lutaha pa krasavik 2025 hoda zabiŭ dźviuch kazul, dzika, vaŭka i miadźviedzia. Dla palavańnia jon vykarystoŭvaŭ mietaličnyja pietli. Častku tuš mužčyna pradavaŭ, a častku pakidaŭ sabie.
Zatrymali nielehalnaha palaŭničaha paśla taho, jak miascovyja žychary znajšli ŭ lesie škury zabitych žyvioł i paviedamili pra heta ŭ milicyju.
Škodu, naniesienuju jaho dziejańniami, acanili bolš čym u 88 tysiač rubloŭ. Kryminalnaja sprava pieradadziena ŭ sud, abvinavačany znachodzicca pad vartaj.
Čytajcie taksama:
Druhim, chto zabiŭ miadźviedzia ŭ Biełarusi, akazaŭsia adstaŭny vysokapastaŭleny milicyjant
Pad Barysavam zabili druhoha miadźviedzia paśla adkryćcia palavańnia na ich
U Biełarusi zabili pieršaha za doŭhi čas miadźviedzia
Upieršyniu ŭ niezaležnaj Biełarusi praviali palavańnie na miadźviedzia, achviar pakul niama