Upieršyniu ŭ niezaležnaj Biełarusi praviali palavańnie na miadźviedzia, achviar pakul niama
Na minułym tydni praviali aŭkcyjon, padčas jakoha razyhrali palaŭničyja pucioŭki. Zajaŭki padali 140 čałaviek, ale tolki siamiora vyjhrali prava na ŭdzieł. U vychadnyja palavali šeść ź ich, paviedamili ŭ Biełaruskim tavarystvie palaŭničych i rybałovaŭ.
Jak paviedamlajecca, prykładna pałova ŭdzielnikaŭ ubačyła miadźviedziaŭ, ale z-za vysokich zbožžavych kultur i vialikaj dystancyi mnohija nie advažylisia stralać — bajalisia pramachnucca.
Ale, maŭlaŭ, udzielniki palavańnia ŭsio adno zastalisia zadavolenyja, bo atrymali ŭnikalny vopyt i ŭspaminy.
Nastupny aŭkcyjon adbudziecca ŭžo 15 lipienia ŭ 10:00. Žadańnie paŭdzielničać u palavańni hetym razam vykazali 191 čałaviek, u tym liku kiraŭnik tavarystva palaŭničych i rybałovaŭ Ihar Šunievič.
Košt dazvołu na palavańnie składaje 500 rubloŭ. Usiaho na siezon, jaki praciahniecca z 1 lipienia da 31 śniežnia, sioleta vydzielili kvotu ŭ 20 miadźviedziaŭ.
Šunievič z žonkaj nie vyjhrali prava na palavańnie na miadźviedzia. Konkurs pravodziła arhanizacyja Šunieviča
U lesie pamiž Iviancom i Rakavam turysty sustreli ryś z rysianiatami VIDEA
Jeŭrapiejskaja kraina, dzie miadźviedzi svabodna błukajuć i jakaja zrabiła na ich turbiznes
U siami biełaruskich lashasach dazvolili palavańnie na miadźviedzia
Miadźviedź upłaŭ syšoŭ ź Biełarusi ŭ Litvu
Kamientary