Łukašenka paviesiŭ adstałyja kałhasy na šyi staršyniam rajvykankamaŭ
Alaksandr Łukašenka 25 lipienia padpisaŭ ukaz, jaki ŭmacoŭvaje piersanalnuju adkaznaść staršyniaŭ rajvykankamaŭ za sielskahaspadarčyja arhanizacyi na terytoryi adpaviednych rajonaŭ, jakija słaba pracujuć.
Fota ilustracyjnaje
Zhodna z dakumientam, kožnamu staršyni rajvykankama daručajecca kuryravać adnu z najbolš stratnych haspadarak u rajonie — tuju, jakaja za minuły hod mieła najbolšyja finansavyja straty i nie vykanała narmatyvy pa technałahičnych stratach bujnoj rahataj žyvioły.
Kali praca hetaj haspadarki palepšycca, to staršynia rajvykankama moža atrymać premiju. Kali ž vynikaŭ nie budzie — to jon stracić dadatkovyja vypłaty za składanaść i napružanaść pracy.
Akramia taho, kali prablemnaja haspadarka nie dasiahnuła patrebnych pakazčykaŭ, to staršynia abłvykankama sa zhody Łukašenki, zmoža pieravieści staršyniu rajvykankama na pasadu kiraŭnika hetaj samaj haspadarki.