Jeŭrasajuz skaraciŭ finansavuju dapamohu Ukrainie z-za pavolnych reformaŭ
Jeŭrasajuz skaraciŭ čarhovy tranš finansavaj dapamohi Ukrainie na 1,5 miljarda jeŭra z-za zapavolvańnia reformaŭ u krainie. Pra heta paviedamiŭ pres-sakratar Jeŭrakamisii Hijom Mierśje 25 lipienia padčas bryfinhu.
Fota: freepik.com
Pavodle słoŭ jeŭračynoŭnika, z 16-ci zapłanavanych krokaŭ, jakija byli nieabchodnymi ŭmovami dla atrymańnia poŭnaj sumy, Ukraina vykanała tolki 13. U vyniku zamiest čakanych 4,5 miljarda jeŭra Kijeŭ atrymaje 3,05 miljarda.
Siarod nie vykananych reformaŭ — decentralizacyja, reforma nacyjanalnaha ahienctva pa pošuku i kiravańni majomaściu, atrymanaj złačynnym šlacham, a taksama źmieny ŭ pracedury adboru sudździaŭ u Vyšejšy antykarupcyjny sud.
Adnak u ramkach prahramy Ukraine Facility praduhledžvajecca hnutkaść: Ukraina moža atrymać astatnija srodki paźniej, kali zavieršyć reformy i padaść adpaviednuju spravazdaču.
Prezident Ukrainy Uładzimir Zialenski raniej tłumačyŭ, čamu niekatoryja antykarupcyjnyja źmieny, datyčnyja antykarupcyjnych orhanaŭ, byli admienieny. Pavodle jaho, heta adbyłosia pad upłyvam pratestaŭ ukraincaŭ, a nie z-za cisku z boku Jeŭrasajuza. Jon padkreśliŭ, što «pavažaje mierkavańnie hramadstva».
Čytajcie taksama:
Va Ukrainie pad upłyvam pratestaŭ viartajuć niezaležnaść antykarupcyjnym orhanam
Makron i Mierc chočuć abmierkavać ź Zialenskim baraćbu z karupcyjaj
Zialenski padparadkavaŭ antykarupcyjnyja viedamstvy prakuratury — ludzi vyjšli na pratesty