Va Ukrainie pad upłyvam pratestaŭ viartajuć niezaležnaść antykarupcyjnym orhanam
Paśla masavych pratestaŭ va Ukrainie prezident Uładzimir Zialenski vyrašyŭ viarnuć niezaležnaść antykarupcyjnym orhanam. 24 lipienia jon unios u Viarchoŭnuju Radu novy zakonaprajekt, jaki admianiaje raniejšy, što vyklikaŭ krytyku jak unutry krainy, tak i z boku Jeŭrasajuza.
U Nacyjanalnym antykarupcyjnym biuro Ukrainy (NABU) śćviardžajuć, što novy dakumient adnaŭlaje poŭnuju pracesualnuju niezaležnaść jak dla NABU, tak i dla Śpiecyjalizavanaj antykarupcyjnaj prakuratury (SAP). Abiedźvie struktury ŭdzielničali ŭ raspracoŭcy zakonaprajekta.
U im siarod inšaha prapisana, što supracoŭniki z dostupam da dziaržaŭnych sakretaŭ pavinny prachodzić pravierku na palihrafie — ale pravodzić jaje budzie nie SBU, a ŭnutrany kantrol NABU.
Papiaredni zakon, padpisany Zialenskim 22 lipienia, faktyčna abmiažoŭvaŭ niezaležnaść hetych antykarupcyjnych orhanaŭ. Heta vyklikała rezkuju reakcyju jak z boku hramadzian, tak i z boku jeŭrapiejskich palitykaŭ. Staršynia Jeŭrakamisii i pradstaŭniki Hiermanii i ES vykazali surjoznuju zakłapočanaść, bo antykarupcyjnaja niezaležnaść — adzin z klučavych kryteryjaŭ dla jeŭraintehracyi Ukrainy.
23 lipienia ŭ roznych haradach Ukrainy, u tym liku Kijevie, adbylisia šmattysiačnyja akcyi pratestu. Uviečary taho ž dnia Zialenski paabiacaŭ unieści novy zakonaprajekt, a ŭžo 24 lipienia jaho zarehistravali ŭ parłamiencie — dakumient padtrymali 48 deputataŭ z roznych frakcyj.
Zialenski patłumačyŭ, što pieršapačatkova nie pravioŭ hramadskaje abmierkavańnie z-za svajoj zasiarodžanaści na vajnie, jakaja, pa jaho słovach, zastajecca hałoŭnaj prablemaj krainy.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j19
Kamientary
A što zrabić, kab prybrali palihrafy z zakonaŭ i sistemy? Dzie znajści krainu ź ludźmi bieź miakišu ŭ hałovach.
Trapiŭsia ŭčora na vočy jahony kamientar ab nienarmalnaj situacyi, kali nad NABU adsutničaje nadzorny orhan. Heta karennaje skažeńnie pryncypa padziełu ŭładaŭ, - nie zadavalniaje pastanova prakurora, to idzi ŭ taki ž niezaležny (pavodle idei i Kanstytucyi) sud. Chacia nie. Lepiej pajści na adziny marafon ci ŭ zamiežnyja ŚMI z apoviedam ab pravilnaści linii ofisa. Zabaŭna nazirać za hetymi chistańniami. Reśpiekt ukrainskim pratestoŭcam. I štości padkazvaje, biez razmovy z Zachodnimi donarami nie abyšłosia.