Piaskoŭ: Tramp i Pucin mohuć sustrecca ŭ Kitai, kali «apynucca ŭ adnym horadzie»
Nijakaj pradmietnaj padrychtoŭki da sustrečy Uładzimira Pucina i Donalda Trampa nie viadziecca, bo niama nijakich uzhodnienych kantaktaŭ, — skazaŭ aficyjny pradstaŭnik Kramla Dźmitryj Piaskoŭ u adkaz na pytańnie žurnalistaŭ pra mahčymuju sustreču prezidentaŭ Rasii i ZŠA.
Pry hetym Pucin rychtujecca da vizitu ŭ Kitaj u pačatku vieraśnia.
«Kali tak atrymajecca, što ŭ vyniku prezident ZŠA taksama prymie rašeńnie naviedać Kitaj u hetyja ž daty, to, viadoma, takuju sustreču nielha tearetyčna vyklučać, kali kiraŭniki dziaržaŭ apynucca ŭ adnym horadzie», — dadaŭ Piaskoŭ.
Donald Tramp i Uładzimir Pucin telefanavali adzin adnamu ŭ hetym hodzie ŭžo niekalki razoŭ, ale pakul nie sustrakalisia.
U kancy minułaha tydnia prezident Turcyi Redžep Taip Erdahan skazaŭ, što maje namier prykłaści namahańni dla arhanizacyi sustrečy lidaraŭ Rasii i ZŠA ŭ Stambule dla abmierkavańnia ŭrehulavańnia vajny va Ukrainie, piša Bi-bi-si.
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary