Adnaŭlaje pravavuju dapamohu Centr biełaruskaj salidarnaści ŭ Varšavie
Paśla vymušanaha pierapynku Departamient pravavoj dapamohi Centra biełaruskaj salidarnaści nieŭzabavie adnović svaju pracu. Hetaj navinoj u efiry radyjo «Racyja» padzialiłasia kiraŭnica departamienta Volha Dabravolskaja.
Volha Dabravolskaja. Fota: «Jeŭraradyjo»
«Akurat siońnia my daviedalisia, što ŭ nas budzie mahčymaść adnavić spačatku, moža, častkova pracu, ale ŭžo ŭpeŭniena mahu skazać, što Adździeł pravavoj dapamohi CBS pavoli budzie adnaŭlać svaju pracu. I start naš užo zapłanavany na žnivień, to-bok praź niekalki dzion my pačniem prymać novyja zajaŭki», — paviedamiła Volha Dabravolskaja.
U siaredzinie maja Departamient pravavoj dapamohi CBS prypyniŭ pracu praź niedachop finansavańnia. Ciapier departament u pieršuju čarhu praciahnie advakatavańnie biełaruskich mihrantaŭ u Polščy, a ŭ žniŭni vierniecca da akazańnia indyvidualnaj dapamohi pieradusim byłym palitviaźniam i aktyvistam, jakija apynulisia ŭ ciažkaj žyćciovaj situacyi.
Čytajcie taksama:
Andreja Stryžaka časova adchilili ad kiravańnia «Bajsołam»
Piatruchin raskazaŭ, kolki dapamohi jon atrymaŭ jak były palitviazień