Fond biełaruskaj salidarnaści Bysol paviedamiŭ, što pačaŭ unutranaje rasśledavańnie ŭ suviazi z abvinavačvańniami ŭ charasmiencie, skiravanymi suprać adnaho z zasnavalnikaŭ arhanizacyi Andreja Stryžaka.
U fondzie padkreślivajuć, što jaho supracoŭniki pracujuć na pryncypach prazrystaści, adkrytaści i adkaznaści pierad hramadstvam. Jany šanujuć davier, jakim karystajucca, i ličać padobnyja dziejańni niedapuščalnymi. «Bajsoł» vykazvaje padtrymku tym, chto paciarpieŭ ad dziejańniaŭ Andreja Stryžaka.
Paviedamlajecca, što ŭ arhanizacyi isnuje palityka, jakaja nie dapuskaje dyskryminacyi, charasmientu, cisku ci luboj formy nieciarpimaści. Tamu z 22 lipienia 2025 hoda inicyjavana ŭnutranaje raźbiralnictva, jakoje praviadzie śpiecyjalnaja hrupa ŭnutry fondu. Da pracesu dałučać niezaležnych ekśpiertaŭ. Pramiežkavyja vyniki abiacajuć apublikavać nie paźniej za 1 vieraśnia 2025 hoda.
Na čas raźbiralnictva Andrej Stryžak adchileny ad kiraŭnictva fondam i vykanańnia pradstaŭničych funkcyj ad jaho imia. Kiravańnie ciapier ažyćciaŭlaje jaho dyrektarat, a dziejnaść fondu praciahvajecca ŭ zvyčajnym režymie: padtrymka paciarpiełych, evakuacyja ludziej ź Biełarusi, dapamoha palitviaźniam i inicyjatyvam hramadzianskaj supolnaści.
Abjadnany pierachodny kabiniet vykazaŭsia adnosna dykpikaŭ Stryžaka
«Hetaje haŭno treba spyniać». Kurs, Roŭda, Łojka dy inšyja biełarusy pra dykpiki Stryžaka
«U žyćci kožnaha čałavieka jość učynki, što nie dadajuć jamu honaru». Stryžak prakamientavaŭ abvinavačańnie ŭ rassyłańni dykpikaŭ
Niekalki aktyvistak abvinavacili Stryžaka: vysyłaŭ im dykpiki
Navošta mužčyny šluć žančynam dykpiki?
Piać hučnych dykpik-skandałaŭ apošnich hadoŭ
Ciapier čytajuć
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada7
Kamientary
Kolki vy budziecie duryć nam hałavu?