«Aerafłot» znoŭ lotaje pamiž Minskam i Maskvoj
Pavodle danych anłajn-tabło Nacyjanalnaha aeraporta Minsk, rasijskaja avijakampanija «Aerafłot» adnaviła paloty pamiž Minskam i Maskvoj.
Zdymak ilustracyjny. Fota: Maksim Konstantinov/SOPA Images/LightRocket via Getty Images
29 lipienia rejs z Šaramiećcieva prybyŭ u Minsk u 16:20, a ŭ 17:20 samalot vylecieŭ u zvarotnym kirunku. Nastupny rejs u Maskvu zatrymali na hadzinu (pavinien vylecieć u 22:10), ale jon nie admienieny. Da hetaha rejsy skasoŭvalisia praz techničnyja prablemy.
U Ministerstvie transpartu Rasii paviedamili, što paloty «Aerafłota» i avijakampanii «Rasija» ciapier vykonvajucca pa karektavanym hrafiku. Najbolš źmieny zakranuli rejsy z Maskvy i ŭ Maskvu, a rehijanalnyja paloty vykonvajucca ŭ poŭnym abjomie.
28 lipienia «Aerafłot» sutyknuŭsia z maštabnym zbojem u infarmacyjnych sistemach, u vyniku čaho byli skasavanyja bolš za 40 rejsaŭ, u tym liku ŭ Minsk i ź Minska. Adkaznaść za ataku ŭziała na siabie chakierskaja hrupa Silent Crow, jakaja zajaviła, što ŭ vyniku sumiesnaj apieracyi z «Kibierpartyzanami» była źniščanaja ŭnutranaja IT-infrastruktura «Aerafłota».
Čytajcie taksama:
Ataka biełaruskich kibierpartyzanaŭ naniesła «Aerafłotu» škodu na 10—50 miljonaŭ dalaraŭ