«Hiendyrektar nie mianiaŭ parol z 2022 hoda». Biełaruskija kibiery raskazali padrabiaznaści ataki na sierviery «Aerafłotu»
Źniščyli zvyš 7 tysiač siervieraŭ i pracoŭnych stancyj u ofisach Šaramiećcieva, Mielkisarava i adpaviednych data‑centrach, paviedamlajuć Kibierpartyzany.
Kibierpartyzany zaznačajuć, što zacierli bazy danych i infarmacyjnyja sistemy CREW, Sabre, Sharepoint, Exchange, KASUD, Sirax, Sofi, CRM, ERP, 1C, sistemy biaśpieki i inšyja elemienty struktury karparatyŭnaj sietki «Aerafłot», vyciahnuli mnostva baz danych, prasłuchoŭku supracoŭnikaŭ, poštu i inšaje.
Taksama vyhružany masiŭ baz danych historyi palotaŭ, jaki ciapier možna budzie vykarystoŭvać pa zapycie dla niezaležnych rasśledavańniaŭ. Supolna z kalehami z Silent Crow jany cełyja miesiacy znachodzilisia ŭ karparatyŭnaj sietcy «Aerafłot».
Praniknieńnie stała mahčymym šmat u čym dziakujučy tamu, što niekatoryja supracoŭniki kampanii hrebavali elemientarnaj biaśpiekaj parolaŭ. Tak hienieralny dyrektar «Aerafłota» Siarhiej Aleksandroŭski nie mianiaŭ parol až z 2022 hoda.
U sietcy vykarystoŭvajucca Windows XP i 2003, što pryviało da kampramietacyi ŭsioj ich infrastruktury.
Takim čynam jany atrymali kantrol nad piersanalnymi kampjutarami supracoŭnikaŭ, uklučajučy vyšejšaje kiraŭnictva.
«Mietadyčna prasoŭvalisia da jadra infrastruktury — Tier 0. Kibierataka na karparatyŭnuju sietku «Aerafłota» pačałasia ŭ noč z 27 na 28 lipienia. Da ranku my źniščyli zvyš 7 tysiač siervieraŭ i pracoŭnych stancyj, bazy danych i ŭnutranyja sistemy. Usie danyja zaciortyja inavacyjnym ałharytmam».
«Dapamahajem ukraincam u baraćbie z akupantam, nanosim kibierudar pa «Aerafłocie» i paralizujem najbujniejšuju avijakampaniju RF», — zaznačajuć Kibierpartyzany.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary