Ataka biełaruskich kibierpartyzanaŭ naniesła «Aerafłotu» škodu na 10—50 miljonaŭ dalaraŭ
Adnaŭleńnie IT-sistem rasijskaj avijakampanii «Aerafłot» paśla ŭčarašniaj kibierataki chakierskich hrup Silent Crow i «Kibierpartyzany» moža zaniać da hoda, paviedamlaje na padstavie svaich krynic rasijski «Kommiersant».
U vyniku maštabnaj chakierskaj ataki na sistemy «Aerafłota» 28 lipienia 2025 hoda adbylisia surjoznyja zboi, što pryviało da admieny bolš za 100 rejsaŭ. Kampanija była vymušana mabilizavać resursy ŭ aeraporcie Šaramiećcieva, kab adnavić paloty.
Pa acenkach śpiecyjalistaŭ, poŭnaje adnaŭleńnie paśla takoj ataki zvyčajna zajmaje ad niekalkich tydniaŭ da paŭhoda, ale kali źniščana bolšaja častka infrastruktury, heta moža zaciahnucca da hoda.
Papiaredniaja acenka strataŭ, pa infarmacyi «Kommiersanta» — kala 275 miljonaŭ rasijskich rubloŭ (kala 3 miljonaŭ dalaraŭ) za adzin dzień. Akcyi «Aerafłota» ŭpali bolš čym na 4%, dasiahnuŭšy minimumu z pačatku 2025 hoda.
Pavodle infarmacyi RBK, sukupnyja dzionnyja straty «Aerafłota» pieravyšajuć 250 miljonaŭ rubloŭ (bolš za 2,7 miljona dalaraŭ).
Pavodle raźlikaŭ Forbes, ahulnyja straty ad incydentu mohuć skłaści ad 10 da 50 miljonaŭ dalaraŭ. Vydańnie spasyłajecca na acenki śpiecyjalistaŭ, jakija praanalizavali straty z-za admien, zbojaŭ u łahistycy i techničnych ciažkaściaŭ z apracoŭkaj danych.
U dzień ataki, u paniadziełak, byli admienienyja 108 z 260 zapłanavanych rejsaŭ, u tym liku pieraloty ŭ rasijskija harady (Irkuck, Jekaciarynburh, Novasibirsk, Čalabinsk, Ufa) i ŭ krainy SND (Jerevan, Ałmaty, Minsk).
U aŭtorak kryzis u aeraportach praciahnuŭsia — zatrymlivajucca i admianiajucca dziasiatki rejsaŭ, u tym liku zamiežnych. Zatrymki i admieny vyklikali skapleńnie pasažyraŭ u aeraportach Kiemierava, Novakuźniecka, Novasibirska, Omska i Krasnajarska, dzie čakajuć svaich rejsaŭ bolš za tysiaču čałaviek.
U Mintransie i Raskamnahladzie pakul nie paćvierdzili fakt uciečki piersanalnych danych. Pad nahladam prakuratury rasśledavańnie viadzie transpartnaja palicyja i słužba ekanamičnaj biaśpieki FSB. Praviarajecca mahčymaść chałatnaści z boku supracoŭnikaŭ i padradčykaŭ «Aerafłota».
«Heta hulnia ŭ dva baki». «Kibierpartyzany» raskazali, što ich ździviła ŭ sistemach «Aerafłota» i što budzie z danymi pasažyraŭ
Śledam za servisami «Aerafłotu» ŭ Rasii lahli i «Dziaržpasłuhi»
«Hiendyrektar nie mianiaŭ parol z 2022 hoda». Biełaruskija kibiery raskazali padrabiaznaści ataki na sierviery «Aerafłotu»
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Aerafłot» admienić častku rejsaŭ z-za zboju infasistem
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA20
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary