Za paŭhoda za palityku asudzili 15 niepaŭnaletnich
U Biełarusi za pieršyja šeść miesiacaŭ 2025 hoda pa palityčnych artykułach asudzili 15 niepaŭnaletnich. Pra heta śviedčać danyja, apublikavanyja Viarchoŭnym sudom.
Fota ilustracyjnaje
Dzieviać padletkaŭ byli pakaranyja pavodle artykuła 342 Kryminalnaha kodeksa — za arhanizacyju abo ŭdzieł u dziejańniach, što hruba parušajuć hramadski paradak. Jašče šeść niepaŭnaletnich asudzili pa inšych palityčnych artykułach: dvuch — za abrazu Łukašenki (art. 368), dvuch — za sadziejničańnie tak zvanaj «ekstremisckaj» dziejnaści (art. 361-4), i jašče dvuch — za źniavahu dziaržaŭnych simvałaŭ (art. 186-2).
Jakija mienavita pakarańni byli pryznačanyja padletkam, u statystycy nie ŭdakładniajecca.
Usiaho za pieršaje paŭhodździe 2025 hoda ŭ Biełarusi asudzili 237 niepaŭnaletnich — nie tolki za palityčnyja spravy, ale i za chulihanstva, złačynstvy, źviazanyja z narkotykami, i inšyja praviny.
Čytajcie taksama:
Haradzienca zavočna asudzili za «zdradu dziaržavie»
Śvietłahorskaha aktyvista Anatola Źmitroviča asudzili za paklop na Łukašenku