Śvietłahorskaha aktyvista Anatola Źmitroviča asudzili za paklop na Łukašenku
Pravaabaroncy paviedamili, što pradprymalnika i hramadskaha aktyvista sa Śvietłahorska Anatola Źmitroviča pryznali vinavatym u «paklopie na Łukašenku» (pavodle art. 367 KK) i prysudzili da 10 miesiacaŭ pazbaŭleńnia voli z adbyvańniem pakarańnia ŭ kałonii ahulnaha režymu.
Anatola Źmitroviča zatrymali 23 krasavika 2025 hoda, a 25 krasavika pieraviali ź izalatara ŭ Śvietłahorsku ŭ SIZA №3 u Homieli. Pravaabaroncy ŭžo 20 maja pryznali jaho palitviaźniem.
62-hadovy Źmitrovič viadomy jak aktyŭny ŭdzielnik ekałahičnaj kampanii suprać budaŭnictva kitajskaha zavoda bielenaj celułozy ŭ Śvietłahorsku. Jon nieadnarazova vykazvaŭ tryvohu z pryčyny avaryj i škodnych vykidaŭ na hetym pradpryjemstvie.
Paśla vybaraŭ 2020 hoda Anatol taksama dałučaŭsia da pratestaŭ, za što niekalki razoŭ byŭ aryštavany i aštrafavany.
«Patrabavali na videa razarvać partret Cichanoŭskaj». Padrabiaznaści abłavy ŭ Śvietłahorsku
U Śvietłahorsku — masavyja zatrymańni
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Prapanoŭvaŭ dva błoki Winston, kab pieradali Znaku list». Były palitviazień Dźmitry Michajłaŭ — pra Maksima Znaka
Kamientary