U Hrodzienskim abłasnym sudzie 28 lipienia abviaścili zavočny prysud 39-hadovamu Andreju Zanieŭskamu.
Jaho abvinavacili ŭ «vydačy zamiežnaj dziaržavie i jaje pradstaŭnikam dziaržaŭnych sakretaŭ Respubliki Biełaruś» (zdrada dziaržavie), ale sutnaść abvinavačvańnia nieviadomaja, piša «Viasna».
Na padstavie č. 1 art. 356 KK haradziencu zavočna pryznačyli 11 hadoŭ kałonii va ŭmovach uzmocnienaha režymu.
U «Biełpole» «Viaśnie» raspaviali, što Andrej Zanieŭski da 2018-ha hoda pracavaŭ u «Vaŭkavyskaj kamunalnaj haspadarcy», a potym adkryŭ svajo pradpryjemstva
U hetym ža hodzie UKDB pa Hrodzienskaj vobłaści zaviało ŭ dačynieńni da jaho kryminalnuju spravu pavodle č.1 art. 375 KK (naŭmysnaje razhałošvańnie słužbovaj tajamnicy). Zhodna viersii abvinavačvańnia, Zanieŭski ź lutaha 2014 hoda pa studzień 2015, znachodziačysia na terytoryi Respubliki Polšča, naŭmysna razhałosiŭ źviestki, jakija składajuć słužbovuju tajamnicu. U 2019 hodzie rasśledavańnie było prypynienaje praź niemahčymaść vytvorčaści śledčych dziejańniaŭ.
Nieviadoma, ci ciapier Andreja Zanieŭskaha asudzili pa pierakvalifikavanaj staroj spravie, ci pa novaj.
Ahułam z 2020 hoda za «zdradu dziaržavie» byli asudžanyja minimum 108 čałaviek.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary
Oni by jeŝie vsiech žitielej Čiechii osudili za «zdradu dziaržavie».. Kłouny