Za prava zabić čarhovaha miadźviedzia palaŭničy zapłaciŭ bolš za 117 tysiač rubloŭ
U Biełarusi na čarhovym aŭkcyjonie pradali prava na palavańnie na miadźviedzia. Palaŭničy ź Viciebščyny, imia jakoha nie nazyvajecca, zapłaciŭ bolš za 117 tysiač rubloŭ, kab atrymać licenziju, paviedamiła pres-słužba Biełaruskaha tavarystva palaŭničych i rybałovaŭ (BTPR).
Ilustracyjny zdymak. Fota: Getty Images
Usiaho ŭ tarhach udzielničali 9 čałaviek z čatyroch abłaściej, a pieršapačatkovaja cana — 2 tysiačy rubloŭ — była pavyšanaja bolš za 40 razoŭ.
Takija aŭkcyjony stali mahčymymi paśla taho, jak u listapadzie 2024 hoda Alaksandr Łukašenka padpisaŭ ukaz, jaki dazvoliŭ palavańnie na miadźviedziaŭ i rysiaŭ, choć hetyja žyvioły zaniesieny ŭ Čyrvonuju knihu. Inicyjataram takoha rašeńnia byŭ były ministr unutranych spraŭ, a ciapier kiraŭnik BTPR Ihar Šunievič.
Z momantu vychadu ŭkazu palaŭničyja ŭžo zabili dvuch miadźviedziaŭ — adnaho ŭ Viciebskaj vobłaści, druhoha — ŭ Minskaj.
Čytajcie taksama:
Druhim, chto zabiŭ miadźviedzia ŭ Biełarusi, akazaŭsia adstaŭny vysokapastaŭleny milicyjant
Jeŭrapiejskaja kraina, dzie miadźviedzi svabodna błukajuć i jakaja zrabiła na ich turbiznes
U siami biełaruskich lashasach dazvolili palavańnie na miadźviedzia