Italjanski matacyklist zrabiŭ sełfi ź miedźviedzianiom. Paśla hetaha jaho naśmierć razarvaŭ darosły miadźviedź
«Jak pryhoža. Jon nabližajecca da mianie», — źniaŭ mužčyna videa niezadoŭha da hetaha.
U Rumynii miadźviedź naśmierć razarvaŭ matacyklista paśla taho, jak mužčyna zrabiŭ sełfi ź jaho dziciem.
49-hadovy italjanski turyst Amar Faran Zin jechaŭ na matacykle pa Karpackich harach u centralnym rehijonie Ardžeš, kali na jaho napaŭ miadźviedź i paciahnuŭ jaho cieła ŭ jar, piša Daily Mail.
Usiaho za dzień da trahičnaha incydentu matacyklist apublikavaŭ u Facebook sieryju fatahrafij bujnoha miadźviedzia, jaki staić vielmi blizka da Amara. Jon taksama padzialiŭsia sełfi, na jakim jon paziruje ź miedźviedzianiom.
Na asobnym videa, źniatym Amaram, vidać, jak jon jedzie na matacykle mima miadźviedzia, jaki prymaściŭsia na abočynie darohi. Čuvać, jak jon kaža pra miadźviedzia: «Jak pryhoža. Jon nabližajecca da mianie».
Pra zdareńnie paviedamili inšyja turysty. Amara nibyta bačyli, kali jon sprabavaŭ pakarmić miadźviedzia ŭ rajonie, dzie byli ŭstalavanyja znaki ab zabaronie na heta. Paśla palicyja znajšła cieła mužčyny.
Pa danych italjanskich ŚMI, Amar, amatar padarožžaŭ, niezadoŭha da svajoj śmierci pracavaŭ u miłanskim aeraporcie Malpiensa.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary
Nikoli nie karmicie miadźviedziaŭ. Heta vielmi biezadkazna.