U Baranavičach piensijanierka pryniesła mianiać dalaravuju kupiuru, daražejšuju ŭ 20 razoŭ

U adno z bankaŭskich adździaleńniaŭ u Baranavičach pryjšła piensijanierka, kab abmianiać valutu. Jana pieradała kasiru kupiuru ŭ 20 dalaraŭ, ale taja vyklikała padazreńnie. Bank nieadkładna paviedamiŭ pra heta ŭ milicyju, a samu banknotu pieradali na ekśpiertyzu.

Ekśpiertyza pakazała, što heta była sapraŭdnaja dalaravaja kupiura, nadrukavanaja na aficyjnym pradpryjemstvie, ale pieršapačatkova jana była naminałam usiaho ŭ 1 dalar.

Machlary pamianiali vyhlad banknoty: zakleili aryhinalnyja nadpisy i rekvizity častkami ad inšaj kupiury i častkova ścierli litary. U vyniku z adnaho dołara atrymałasia «dvaccać».

Ekśpierty adznačajuć, što takija «častkovyja» padrobki zdarajucca davoli redka. Jany raźličanyja na niaŭvažlivaść ludziej. Kab paźbiehnuć takoha padmanu, śpiecyjalisty rajać mianiać valutu tolki ŭ bankach.

Darečy, za pieršy kvartał 2025 hoda ŭ Biełarusi znajšli 184 padroblenyja kupiury — krychu mienš, čym u minułym hodzie. Adnak kolkaść falšyvych 50-dalaravych banknot uzrasła ŭ 2,5 raza — z 17 da 43. 

Kamientary da artykuła