Ščodry svajak padaryŭ na viasielle 1200 falšyvych jeŭra z «banka prykołaŭ»
Abmieńvajučy ŭ banku kupiuru 50 jeŭra, 21-hadovy mahiloviec i nie dumaŭ, jakaja historyja dalej zakrucicca.
Na miesca prybyli supracoŭniki milicyi, padazronuju kupiuru zabrali, a taksama padčas ahladu kvatery hramadzianina zabrali jašče 18 hrašovych biletaŭ naminałam pa 50 jeŭra i 3 — pa 100 jeŭra.
Dla vyrašeńnia pytańnia ab sapraŭdnaści kupiur ich nakiravali na sudovuju ekśpiertyzu ŭ Mahiloŭski mižrajonny adździeł Dziaržaŭnaha kamiteta sudovych ekśpiertyz.
Pavodle vysnoŭ ekśpierta, amal usie kupiury naminałam 50 jeŭra, za vyklučeńniem adnoj, vyrableny nie pradpryjemstvam, jakoje ažyćciaŭlaje vytvorčaść pradukcyi dadzienaha vidu, i vykanany sposabam płoskaha afsietnaha druku.
Ekśpiert taksama ŭstanaviŭ, što kupiury pa 100 jeŭra źjaŭlajucca banknotapadobnymi vyrabami — na ich majucca adpaviednyja nadpisy «Prop money», «For motion picture use only», «This note is not a legal tender» («rekvizitnyja hrošy», «Tolki dla vykarystańnia ŭ kino», «hetaja banknota nie źjaŭlajecca zakonnym płaciežnym srodkam»).
Pry raźbiralnictvie vyśvietliłasia, što fejkavyja hrošy dastalisia maładomu mahiloŭcu… u padarunak na viasielle ad adnaho z haściej.
Užo paźniej svajak pryznaŭsia, što mieŭ finansavyja ciažkaści, tamu padaryŭ maładym u kanviercie 50 jeŭra i hrošy z «banka prykołaŭ» na sumu 1200 «jeŭra».
Niekalki miesiacaŭ padoranyja kupiury lažali ŭ kanviercie, pakul adnu ź ich ničoha nie padazrajučy chłopiec nie prynios u bank na abmien…
Raspačata kryminalnaja sprava.
Deputatka, jakaja rychtuje pryhažuń dla Łukašenki, vyjšła zamuž23
Kamientary