Banki ŭ pieršym kvartale vyjavili 184 padroblenyja hrašovyja znaki, u tym liku adnu manietu. Falšyvak stała na 1,1% mienš, pry hetym padroblenych $50 stała ŭ 2,5 raza bolš, piša Onliner.by.
Amal usie falšyŭki — 170 kupiur — heta dołary. Jak i raniej, najčaściej padroblivajuć naminał $100, vyjaŭlena 126 takich banknot (na 10% mienš, čym hodam raniej). Da katehoryi supierpadrobak adniesieny try stodalaravyja banknoty.
Jašče 43 falšyvyja kupiury mieli naminał $50 (u pieršym kvartale minułaha hoda było 17 takich kupiur). Akramia taho, była adna padroblenaja dvaccatka.
Bankaŭskija rabotniki taksama vyjavili 10 padrobak rasijskich rubloŭ, 3 niesapraŭdnyja banknoty jeŭra (dźvie naminałam 100 jeŭra i adna — 50 jeŭra) i falšyvuju manietu 2 jeŭra. Biełaruskija rubli siarod falšyvak nie sustrakalisia.
Ciapier čytajuć
Cichanoŭski ŭ Jelskim univiersitecie prapanavaŭ try elemienty stratehii ZŠA nakont Biełarusi26
Kamientary