Pravaabaroncam viadoma pra jak minimum 38 aryštavanych pa «spravie Hajuna»

Pavodle źviestak «Viasny», u Biełarusi dahetul praciahvajucca zatrymańni ŭ miežach kryminalnaj spravy za pieradaču infarmacyi manitorynhavaj hrupie «Biełaruski Hajun».

Fota ilustracyjnaje

Pravaabaroncam viadoma ŭžo pra jak minimum 38 paćvierdžanych fihurantaŭ «spravy Hajuna», jakich źmiaścili pad vartu. Ahulnaja ž ličba zatrymanych, jak miarkujecca, bolšaja. Niekatorym zatrymanym padaŭžajuć mieru strymańnia pad vartaj na niekalki miesiacaŭ.

Užo raspačalisia sudy pa hetaj spravie — viadoma pra jak minimum šeść sudovych pracesaŭ.

Jak paviedamlali byłyja viaźni Akreścina, zatrymańni adbyvajucca ŭ miežach art. 361-4 Kryminalnaha kodeksa (sadziejničańnie ekstremisckaj dziejnaści). Bolšaść zatrymanych — mužčyny.

Kamientary da artykuła